കോട്ടയം:കുട്ടിക്കാനം-മുണ്ടക്കയം പാതയിൽ കുട്ടിക്കാനം മുതൽ പെരുവന്താനം വരെയുള്ള ഭാഗത്ത് റോഡിലേക്ക് ഓയിൽ ചോർന്നു.
നിരവധി വാഹനങ്ങൾ ഓയിലിൽ തെന്നി മറിഞ്ഞ് അപകടമുണ്ടായി. അപകടത്തിൽ യാത്രക്കാർക്ക് പരിക്ക്.
പരിക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചു.
ഇന്ന് രാവിലെയാണ് സംഭവം.
ഏതോ വലിയ വാഹനത്തിൽ നിന്ന് ചോർന്നതാണ് റോഡിൽ അപകടകരമായ രീതിയിൽ ഓയിൽ പടരാൻ കാരണമായതെന്നാണ് കരുതുന്നത്.
റോഡിലെ വഴുക്കൽ കാരണം മറ്റ് നിരവധി വാഹനങ്ങളും അപകടത്തിൽപ്പെട്ടിട്ടുണ്ട്.
വിവരമറിഞ്ഞ് പോലീസും ഫയർഫോഴ്സും സ്ഥലത്തെത്തി റോഡിലെ ഓയിൽ നീക്കം ചെയ്യാനുള്ള നടപടികൾ ആരംഭിച്ചിട്ടുണ്ട്.
യാത്രക്കാർ ശ്രദ്ധിക്കുക:
ഈ വഴി വരുന്ന വാഹനങ്ങൾ വേഗത കുറച്ച് അതീവ ജാഗ്രത പാലിക്കണമെന്ന് പോലീസ് മുന്നറിയിപ്പ് നൽകുന്നു.
