തിരുവനന്തപുരം:വ്യാജമദ്യവുമായി ബന്ധപ്പെട്ട പരാതികളില് കൃത്യത ഉറപ്പു വരുത്തണം.
വീടുകളില് പരിശോധന നടത്തുന്നതിന് മുമ്പ് പ്രാഥമിക രഹസ്യാന്വേഷണം നടത്തി പരാതി വസ്തുതാപരമാണെന്ന് ഉറപ്പാക്കണമെന്ന്
എക്സൈസ് കമ്മീഷണര്ക്ക് മനുഷ്യാവകാശ കമ്മീഷന് ചെയര്പേഴ്സന് ജസ്റ്റിസ് അലക്സാണ്ടര് തോമസിന്റെ നിര്ദേശം.
നിരപരാധികള്ക്കെതിരെ വ്യാജപരാതികള് നല്കുന്ന സംഭവങ്ങള് ശ്രദ്ധയില്പ്പെട്ടതിനെ തുടര്ന്നാണ് എക്സൈസ് കമ്മീഷണര് സര്ക്കുലര് പുറപ്പെടുവിച്ചതെന്ന് കമ്മീഷന് ചൂണ്ടിക്കാട്ടി.
സര്ക്കുലറിലെ നിര്ദേശങ്ങള് കൃത്യമായി പാലിച്ചാല് ഇത്തരം പരാതികള് ഒഴിവാക്കാനാകുമെന്നും ഉത്തരവില് വ്യക്തമാക്കി.
നെയ്യാറ്റിന്കര സ്വദേശിയും കേള്വിക്കും സംസാരത്തിനും പരിമിതിയുള്ളയാളുമായ സര്ക്കാര് ഉദ്യോഗസ്ഥന്റെ വീട്ടില് സര്ക്കുലറിലെ നിര്ദേശങ്ങള്ക്ക് വിരുദ്ധമായി പരിശോധന നടത്തിയെന്ന ഭാര്യയുടെ പരാതിയിലാണ് കമ്മീഷന്റെ ഇടപെടല്.
തിരുപുറം എക്സൈസ് റേഞ്ച് ഓഫീസിലെ ഉദ്യോഗസ്ഥരില് നിന്ന് വിശദീകരണം തേടി ഉചിതമായ നടപടി സ്വീകരിക്കണമെന്ന് എക്സൈസ് കമ്മീഷണറോട് ജസ്റ്റിസ് അലക്സാണ്ടര് തോമസ് നിര്ദേശിച്ചു.
