ആലപ്പുഴ: മാധ്യമപ്രവർത്തകനെ അധിക്ഷേപിച്ച് ജി സുധാകരൻ. കൈരളി ന്യൂസ് ന്യൂസ് എഡിറ്റർ ഷാജഹാനെയാണ് ജി സുധാകരൻ 'വർഗീയവാദി'യെന്ന് വിളിച്ച് അധിക്ഷേപിച്ചത്. മാധ്യമങ്ങളോട് പ്രതികരിക്കുന്നതിനിടെയായിരുന്നു സംഭവം.
മറ്റ് മാധ്യമപ്രവർത്തകരുടെ സാന്നിധ്യത്തിലായിരുന്നു സംഭവം. "താൻ എവിടുത്തെ മാധ്യമപ്രവർത്തകനാണ്" എന്ന ചോദ്യമുയർത്തിയ ജി സുധാകരൻ, റിപ്പോർട്ടറുടെ ചോദ്യങ്ങളിൽ ക്ഷുഭിതനായി പ്രതികരിച്ചു. മുൻ എംഎൽഎ എച്ച്. സലാമുമായി ബന്ധപ്പെട്ട ചോദ്യമാണ് അദ്ദേഹത്തെ പ്രകോപിപ്പിച്ചത്.
റിപ്പോർട്ടറുടെ ചോദ്യങ്ങളിൽ ക്ഷുഭിതനായ ജി സുധാകരൻ ചാനൽ മൈക്കുകൾ തട്ടിമാറ്റുകയും ചെയ്തു. തുടർന്ന് ഷാജഹാനെ 'വർഗീയവാദി'യെന്ന് വിശേഷിപ്പിച്ച ജി സുധാകരൻ, എച്ച്. സലാമിനെതിരെയും വിമർശനം ഉന്നയിച്ചു. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്.
അതേസമയം, ജി സുധാകരനെതിരെ മുൻ എംഎൽഎ എച്ച്. സലാം നേരത്തെ അഴിമതി ആരോപണം ഉന്നയിച്ചിരുന്നു. പാർട്ടിയുടെ പേരിൽ പാലത്ര കൺസ്ട്രക്ഷനിൽ നിന്ന് ജി സുധാകരൻ പണം വാങ്ങിയെന്നായിരുന്നു എച്ച്. സലാമിന്റെ ആരോപണം.
