വിജയ് ദേവരകൊണ്ടയും രശ്മിക മന്ദാനയും പ്രധാന വേഷങ്ങളിലെത്തുന്ന പാൻ-ഇന്ത്യൻ ചിത്രം ‘രണബാലി’യിലെ ‘കൊബാലി എന്ന ആവേശം നിറയ്ക്കുന്ന ഗാനത്തിന്റെ ലിറിക്കൽ വീഡിയോ പുറത്തിറങ്ങി.
ഒക്ടോബര്‍ 27ന് ആണ് രണബാലി തിയറ്ററുകളില്‍ എത്തിയത്.
മോശമല്ലാത്ത ഒരു കളക്ഷനാണ് ചിത്രത്തിനുള്ളത്.
ആഗോള ബോക്സ് ഓഫീസില്‍ 75 കോടി രൂപയാണ് ഇതുവരെ രണബാലി നേടിയിരിക്കുന്നത്.
തെലുങ്കില്‍ നിന്ന് മാത്രം 54 കോടിയും നേടിയിരിക്കുന്നു. ഇപ്പോഴിതാ ചിത്രത്തിലെ ഏറ്റവും പുതിയ വീഡിയോ ഗാനം പുറത്തുവന്നിരിക്കുകയാണ്.
കൊബാലി എന്ന വീഡിയോ ഗാനമാണ് ഇപ്പോൾ പുറത്തുവന്നിരിക്കുന്നത്. അജയ്- അതുൽ ആണ് ഗാനം ഒരുക്കിയിരിക്കുന്നത്.
രാഹുൽ സംകൃത്യൻ ആണ് രണബാലി സംവിധാനം ചെയ്തിരിക്കുന്നത്.
മൈത്രി മൂവി മേക്കേഴ്സിന്‍റെ ബാനറിൽ നവീൻ യെർനേനിയും വൈ. രവിശങ്കറും ചേർന്നാണ് ചിത്രം നിർമ്മിക്കുന്നത്. ചിത്രത്തിൽ രണബാലിയായി വിജയ് ദേവരകൊണ്ട എത്തുമ്പോള്‍ ജയമ്മയായാണ് രശ്മിക മന്ദാന എത്തുന്നത്.
രണബാലിയുടേയും ജയമ്മയുടേയും ആഴമേറിയ പ്രണയത്തെ ആഘോഷമാക്കിക്കൊണ്ട് 'എൻന്തയ്യ സാമി' ഗാനം പുറത്തിറങ്ങിയത് ഏവരും ഏറ്റെടുത്തിരുന്നു.
