തിരുവനന്തപുരം: സംസ്ഥാനത്തെ മുഖ്യമന്ത്രിയും മന്ത്രിമാരുമടക്കം ജനപ്രതിനിധികള്‍ക്ക് ഇനി ശമ്പളം സ്പാർക്ക് വഴി.
മുഖ്യമന്ത്രി, മന്ത്രിമാർ, സ്പീക്കർ, പ്രതിപക്ഷ നേതാവ്, എം എല്‍ എ മാർ എന്നിവർക്കാണ് സർക്കാർ ഉദ്യോഗസ്ഥർക്ക് സമാനമായ രീതിയില്‍ ശമ്പളം സ്പാർക്ക് വഴി നല്‍കുക.
2027 ജനുവരി മുതല്‍ പ്രാബല്യത്തില്‍ വരും. കേരളത്തിലെ സർക്കാർ ജീവനക്കാരുടെ ശമ്പളം, അലവൻസുകള്‍, മറ്റ് ആനുകൂല്യങ്ങള്‍ എന്നിവ ഓണ്‍ലൈനായി പ്രോസസ്സ് ചെയ്യുന്നതിനും വിതരണം ചെയ്യുന്നതിനുമുള്ള സംവിധാനമാണ് സ്പാർക്ക്.
ധന വകുപ്പ് ഇതുസംബന്ധിച്ച്‌ ഉത്തരവ് ഇറക്കി. വേഗവും സുതാര്യതയും ഉറപ്പു വരുത്താനാണ് നടപടിയെന്നാണ് ഉത്തരവില്‍ വ്യക്തമാക്കുന്നത്.
