ന്യൂയോർക്ക്: ആരാധകർ ഏറെ പ്രതീക്ഷിച്ചിരുന്ന ഗോള്ഡൻ ബോള് പുരസ്കാരവും ഇത്തവണ അർജന്റീന നായകൻ മെസിക്കില്ല.
ഒന്നര പതിറ്റാണ്ടിന് ശേഷം സ്പെയിന് ലോകകിരീടം നേടിക്കൊടുത്ത സൂപ്പർതാരം നായകൻ റോഡ്രിക്കാണ് ഗോള്ഡൻ ബോള് പുരസ്കാരം ലഭിച്ചത്. ലോകകപ്പിലെ എട്ട് മത്സരങ്ങളും കളിച്ച റോഡ്രിഗോ ഹെർണാണ്ടസ് കാസ്കാന്റെ എന്ന റോഡ്രി ഏഴ് കളികളിലും സ്പെയിനെ വിജയിക്കാൻ വഴിയൊരുക്കി. ഗോള് രഹിത സമനിലയില് കാബോ വെർദെ പിടിമുറുക്കിയ മത്സരം മാത്രമാണ് വിജയിക്കാനാകാത്തത്.
ലോകകപ്പ് ഫൈനലില് സ്പാനിഷ് മദ്ധ്യനിരതാരമായ അദ്ദേഹം 90 മിനുട്ടും കളിക്കളത്തിലുണ്ടായി. എക്സ്ട്രാ ടൈമില് ഒൻപത് മിനുട്ടും അദ്ദേഹം കളിച്ചു. ലോകകപ്പിലാകെ എട്ട് ഗോളുകള് നേടി ഫൈനലില് വരെ അർജന്റീനയെ എത്തിച്ച സൂപ്പർതാരം മെസി സില്വർ ബോള് പുരസ്കാരമാണ് നേടിയത്. ഫ്രഞ്ച് സൂപ്പർതാരം കിലിയൻ എംബാപെയാണ് ബ്രോണ്സ് ബോള് നേടിയത്.
2014ലും 2022ലും ഗോള്ഡൻ ബോള് പുരസ്കാരം നേടിയത് മെസിയായിരുന്നു. 2024ലെ ബാലൻഡിഓർ പുരസ്കാര ജേതാവാണ് റോഡ്രി. ഗോള്ഡൻ ബോള് പുരസ്കാരം നേടുന്ന ആദ്യ സ്പാനിഷ് കളിക്കാരൻ കൂടിയാണദ്ദേഹം. ഇംഗ്ളീഷ് പ്രീമിയർ ലീഗില് മാഞ്ചസ്റ്റർ സിറ്റിയ്ക്കായി അദ്ദേഹം കളിക്കുന്നുണ്ട്.
