തിരുവനന്തപുരം : തിരുവനന്തപുരം നെടുമങ്ങാട് രണ്ട് തുണിക്കടകളിൽ തീപിടിത്തം. റോജ ടെക്സ്റ്റൈൽസ്, കോക്ക്ടെയിൽ എന്നീ കടകളിലാണ് തീപിടുത്തം ഉണ്ടായത്. ഇതിൽ കോക്ക്ടെയിൽ പൂർണമായും കത്തി നശിച്ചു.
തുണിക്കടകൾ കൂടാതെ അടുത്തുള്ള ഒരു ജ്വല്ലറി, ഒരു മൊബൈൽ കട എന്നിവിടങ്ങളിലേക്കും തീ പടർന്നു. ഫയർഫോഴ്സ് തീ അണച്ചുകൊണ്ടിരിക്കുകയാണ്. തീപിടുത്തത്തിൽ ആളപായം ഇല്ല.
സംഭവം നടക്കുന്ന സമയത്തിന് ജീവനക്കാർ ഇറങ്ങി പുറത്തേക്ക് ഓടിയതിനാലാണ് അപകടം ഒഴിവായത്. ഷോട്ട്സർക്യൂട്ടാണ് തീപിടുത്തം ഉണ്ടാകാൻ കാരണമെന്നാണ് പ്രാഥമിക നിഗമനം.
