ശരീരഭാരം കുറയ്ക്കുന്നതിനും ആരോഗ്യം മെച്ചപ്പെടുത്തുന്നതിനുമായി നിരവധി പേർ വ്യായാമം ആരംഭിക്കാറുണ്ട്. എന്നാല്‍ ശരീരത്തിന്റെ മൊത്തത്തിലുള്ള ആരോഗ്യത്തിന് പേശികളുടെ കരുത്ത് നിലനിർത്തുന്നതും പ്രധാനമാണ്.
പേശികളുടെ അളവ് കുറയുന്നത് ശരീരത്തിന്റെ പ്രവർത്തനക്ഷമതയെയും ദൈനംദിന ജോലികള്‍ ചെയ്യാനുള്ള കഴിവിനെയും ബാധിക്കാം.
സ്ട്രെങ്ത് ട്രെയിനിങ് അഥവാ പേശികള്‍ക്ക് പ്രതിരോധം നല്‍കി ചെയ്യുന്ന വ്യായാമങ്ങള്‍ പേശികളുടെ കരുത്ത് മെച്ചപ്പെടുത്താൻ സഹായിക്കും. ഡംബെല്‍ ഉപയോഗിച്ചുള്ള വ്യായാമങ്ങള്‍, സ്ക്വാട്ട്, പുഷ്-അപ്പ് തുടങ്ങിയവ ഇതിന്റെ ഉദാഹരണങ്ങളാണ്. പ്രായം കൂടുന്നതിനനുസരിച്ച്‌ പേശികളുടെ ആരോഗ്യം സംരക്ഷിക്കേണ്ടതിന്റെ പ്രാധാന്യവും വർധിക്കുന്നു.
വ്യായാമത്തോടൊപ്പം ആവശ്യത്തിന് പ്രോട്ടീൻ അടങ്ങിയ ഭക്ഷണം, മതിയായ ഉറക്കം, വിശ്രമം എന്നിവയ്ക്കും പ്രാധാന്യമുണ്ട്. തുടക്കക്കാർ കുറഞ്ഞ തീവ്രതയിലുള്ള വ്യായാമങ്ങളില്‍നിന്ന് ആരംഭിച്ച്‌ ക്രമേണ പരിശീലനം വർധിപ്പിക്കുന്നതാണ് ഉചിതം. ആരോഗ്യപ്രശ്നങ്ങളുള്ളവർ വ്യായാമരീതി തിരഞ്ഞെടുക്കുന്നതിന് മുമ്പ് വിദഗ്ധോപദേശം തേടണം
