കോട്ടയം: പ്രാദേശിക ജനകീയ വിഷയങ്ങൾ ഏറ്റെടുത്ത് ജനങ്ങൾക്കൊപ്പം നിന്ന് പ്രവർത്തകർ മുന്നോട്ട്
പോകണമെന്ന് ആർ.എസ്.പി ജില്ലാ സെക്രട്ടറി റ്റി.സി. അരുൺ ആഹ്വാനം ചെയ്തു.
ആർ.എസ്.പി ഏറ്റുമാനൂർ മണ്ഡലം സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജനങ്ങളുടെ ദൈനംദിന പ്രശ്നങ്ങളിൽ ഇടപെട്ട് അവയ്ക്ക് പരിഹാരം കാണുന്നതിനുള്ള പ്രവർത്തനങ്ങൾ പാർട്ടി തലത്തിൽ ശക്തിപ്പെടുത്തണമെന്നും അദ്ദേഹം പറഞ്ഞു.
സണ്ണി തറയിൽ അധ്യക്ഷത വഹിച്ചു.
സമ്മേളനത്തിൽ മുരളി തകിടിയെൽ, ടിംസ് തോമസ്, ടി വി തങ്കച്ചൻ, രാജേഷ് നട്ടാശ്ശേരി, കിഷോർ കുമാർ, കെവിൻ, സുജിഷ് എന്നിവർ സംസാരിച്ചു.
മുരളി തകിടിയെൽ സെക്രട്ടറി ആയിട്ടുള്ള 11 അംഗ കമ്മിറ്റിയെ സമ്മേളനം തെരഞ്ഞെടുത്തു.
