ഏറ്റുമാനൂര്: നഗരസഭ പരിധിയില് രാത്രികാലങ്ങളില് കക്കൂസ് മാലിന്യം തള്ളാന് എത്തുന്നവരെ പ്രതിരോധിക്കാന് രാത്രികാല പട്രോളിങ് ശക്തമാക്കുന്നു.
നഗരസഭ,റസിഡന്റ് അസോസിയേഷന്,പൊതുജനങ്ങള് ആരോഗ്യപ്രവര്ത്തകര് എന്നിവര് ചേര്ന്നാണു ജാഗ്രതസമിതി രൂപികരിക്കുന്നത്.
നഗരസഭയുടെ 36 വാര്ഡുകളിലും നടപ്പിലാക്കും,പോലീസും റസിഡന്റ് അസോസിയേഷനും മാലിന്യം തള്ളുന്ന സ്ഥിരം മേഖലകളില് കാവലിരിക്കും.
ഈ സാമൂഹികവിരുദ്ധരെ പിടിച്ചു നീയമത്തിനു മുന്നില് കൊണ്ടുവരും എന്ന ചെയര്പേഴ്സണ് ടോമി പുളിമാന്തുണ്ടം പറഞ്ഞു.
കഴിഞ്ഞ ദിവസം രണ്ടാം വാര്ഡിലെ വള്ളിക്കാട് മേഖലയില് വന്തോതില് കക്കൂസ് മാലിന്യം തള്ളിയിരുന്നു. ഇതു പ്രതിരോധിക്കാന് ചെന്നവര്ക്കും നേരെ കൈയ്യേറ്റ ശ്രമവും നടന്നു. തുടര്ന്നു കൗണ്സിലര് അനീഷ് മോന് ഇടപെട്ട് ഈ ഭാഗങ്ങളില് കുമ്മായം വിതറുകയും ചെയ്തിരുന്നു.
വള്ളിക്കാട് ആളൊഴിഞ്ഞ മേഖലകളില് മാലിന്യം തള്ളല് പതിവാണെന്നും ജമനങ്ങള് ദുര്ഗന്ധം കൊണ്ട് പൊറുതിമുട്ടിയിരിക്കുകയാണെന്നും രാത്രികാല പട്രോളിങ് നടത്താന് തീരുമാനിച്ചിരിക്കുകയാണെന്നും അനീഷ് മോന് പറഞ്ഞു.
പട്ടിത്താനം മണര്കാട് ബൈപ്പാസ് റോഡിന് ഇരുവശം,മങ്കരം കലുങ്ക് എന്നിവിടങ്ങളില് സ്ഥിരം മാലിന്യം തള്ളുന്നുണ്ട്. മങ്കരം കലുങ്ക് ഭാഗത്ത് മാലിന്യം തള്ളാതിരിക്കാന് ഇരുമ്പ് ഷീറ്റ് മറ നഗരസഭ സ്ഥാപിച്ചിട്ടുണ്ട്. രാത്രികാല പട്രോളിങ് ശക്തമാക്കുന്നതോടെ മാലിന്യം തള്ളുന്നത് ഒരു പരിധി വരെ കുറയുമെന്ന പ്രതീക്ഷയിലാണ് നടപടി
