പത്തനംതിട്ട: പ്രതിരോധ കുത്തിവയ്പ് നാലാംഘട്ടത്തിന് നിലവില്‍ തുടക്കമായിട്ടുണ്ട്.
ഒക്ടോബർ 27വരെയാണ് ക്യാമ്പയിൻ നടപ്പിലാക്കുക. കുത്തിവയ്പിനു വിധേയമാക്കുന്ന ഓരോ നായയ്ക്കും വാക്‌സിൻ സർട്ടിഫിക്കറ്റും ലഭിക്കും.
12 ആഴ്ചക്ക് മുകളില്‍ പ്രായമുള്ള ആരോഗ്യമുള്ള നായകളെ നിർബന്ധമായും കുത്തിവയ്പിന് വിധേയമാക്കണം. പ്രാഥമിക കുത്തിവയ്പ്പിന് മൂന്ന്, നാല് ആഴ്ചയ്ക്കുശേഷം ബൂസ്റ്റർ ഡോസും നല്‍കണം. 55 രൂപയാണ് വാക്‌സിനേഷൻ നിരക്ക്.
സർക്കാർ വെറ്ററിനറി ആശുപത്രികളിലെത്തി നായ്ക്കള്‍ക്ക് പേവിഷ പ്രതിരോധ കുത്തിവയ്പ് എടുക്കുന്നവർ കുറവെന്ന് പരാതി. മൃഗസംരക്ഷണ വകുപ്പ് സെൻസസ് പ്രകാരം ജില്ലയില്‍ 61,185 വളർത്തുനായ്ക്കളാണുള്ളത്.
എന്നാല്‍ 2025 -26ല്‍ ഇതില്‍ 26,243 നായ്കള്‍ക്ക് മാത്രമാണ് വാക്‌സിനെടുത്തത്. സ്വകാര്യ വെറ്ററിനറി ആശുപത്രികള്‍ വഴി വാക്‌സിനെടുക്കുന്നത് ഒഴികെയുള്ള കണക്കാണിത്.
ഇതുപ്രകാരം ആകെ വളർത്തുനായ്ക്കളില്‍ 42.89 ശതമാനം മാത്രമാണ് പ്രതിരോധ കുത്തിവയ്പ് എടുക്കുന്നത് എന്ന് വ്യക്തമാകും. സെൻസസ് പ്രകാരം 61,185 വളർത്തുനായ്ക്കളും 14,080 തെരുവുനായ്ക്കളുമടക്കം ജില്ലയിലാകെ 75,265 നായകളാണുള്ളത്.
മൃഗസംരക്ഷണ വകുപ്പ് മുൻ വർഷങ്ങളിലെല്ലാം പ്രതിരോധ കുത്തിവയ്പ്പ് നടപടികള്‍ സ്വീകരിച്ചിരുന്നു. എന്നാല്‍ ഉടമകള്‍ ഇക്കാര്യത്തില്‍ അലംഭാവം തുടരുന്നതായാണ് കണക്കുകള്‍ സൂചിപ്പിക്കുന്നത്. ആകെയുള്ള 14,080 തെരുവ് നായ്ക്കളില്‍ 11,645 എണ്ണത്തിനും മുൻവർഷം കുത്തിവയ്പ് എടുത്തിരുന്നു.
