തൊടുപുഴ: കുടയത്തൂര് അടൂര്മലയില് ഉരുള്പൊട്ടല് ഉണ്ടായതിനെത്തുടര്ന്ന് രക്ഷാപ്രവര്ത്തനത്തിന് എത്തിയവര്ക്ക് നോവായി ഒരു വളര്ത്തു നായ.
ഉരുള്പൊട്ടലില് മരിച്ച മഷിക്കല്ലേല് സുമതിയുടെ വീട്ടിലെ നായ ഉറ്റവരെ തെരഞ്ഞ് നടക്കുന്ന കാഴ്ച ഏവരിലും സങ്കടമുണര്ത്തി.
അടുക്കള ഭാഗം ഒഴികെ സുമതിയടെ വീട് മലവെള്ളത്തില് ഒലിച്ചു പോയി. ഭര്ത്താവ് രവിയും മകന് രതീഷും ഉരുള്പൊട്ടില് പരുക്കേറ്റ് തൊടുപുഴയിലെ സ്വകാര്യ ആശുപത്രിയില് ചികിത്സയിലാണ്.
ഇതോടെ കാണാതായ ഉറ്റവരെ നായ അന്വേഷിക്കുകയായിരുന്നു. ഒടുവില് പ്രദേശവാസിയായ യുവാവ് എത്തിയ നായയെ സുരക്ഷിത സ്ഥാനത്തേക്ക് മാറ്റി.
