കൊച്ചി: സംസ്ഥാനത്ത് പത്തനംതിട്ട മുതല് ഇടുക്കി അതിര്ത്തിവരെയാണ് മഴക്കെടുതി ഉണ്ടായിരിക്കുന്നതെന്ന് ദുരന്ത നിവാരണ അതോറിറ്റി ഉദ്യോഗസ്ഥന് ശേഖര് കുര്യാക്കോസ്.
പത്തനംതിട്ട വടശ്ശേരിക്കരയില് 24 മണിക്കൂര് പോലും ആകുന്നതിനിടെ 302 MM മഴയാണ് ലഭിച്ചതെന്നും ളാഹയില് 260 MM ലഭിച്ചെന്നും ശേഖര് കുര്യാക്കോസ് പറയുന്നു. ജാഗ്രതാ നിര്ദേശം ഉണ്ടായിരുന്നതിനാല് പലരും മാറിയിരുന്നുവെന്നും ശേഖര് കുര്യാക്കോസ് വ്യക്തമാക്കി.
മീനച്ചിലാറില് ഉയര്ന്ന വെള്ളം മൂന്ന് മണിക്കൂറില് താഴും. തെക്കന് ജില്ലകളില് മഴ കുറയും. റവന്യൂ വകുപ്പ് മന്ത്രി കാര്യങ്ങള് ഏകോപിപ്പിക്കുന്നുണ്ടെന്നും ഉദ്യോഗസ്ഥന് വിശദീകരിച്ചു. നൂറോളം സ്ഥലങ്ങളില് റോഡുകളില് മണ്ണും മരങ്ങളും വീണു. വെള്ളം ഇറങ്ങിത്തുടങ്ങി. അപ്പര് കുട്ടനാടും ആലപ്പുഴയും ശ്രദ്ധിക്കണമെന്നും ശേഖര് കുര്യാക്കോസ് പറഞ്ഞു. പ്രശ്നബാധിത പ്രദേശങ്ങളില് മഴ കുറയുകയാണ്. എറണാകുളം മുതല് വടക്കോട്ട് മഴ ശക്തിപ്പെടുമെന്നും ശേഖര്കുര്യാക്കോസ് മുന്നറിയിപ്പ് നല്കി.
