കോട്ടയം: ഭക്തർക്ക് ആത്മശാന്തിയും ഐശ്വര്യവും പകരുന്ന പുണ്യധാമമായി തലമുറകളായി വിശ്വാസികളുടെ ആശ്രയകേന്ദ്രമായി നിലകൊള്ളുന്ന അയ്മനം ശ്രീ നരസിംഹസ്വാമി ക്ഷേത്രത്തിലെ ഈ വർഷത്തെ തിരുവുത്സവത്തിന് നാളെ ഓഗസ്റ്റ് 𝟏𝟗ന് കൊടിയേറും. ഓഗസ്റ്റ് 𝟐𝟔ന് നടക്കുന്ന ആറാട്ടോടെയാണ് എട്ടു ദിനരാത്രികളിലായി നീളുന്ന ഉത്സവത്തിന് സമാപനമാകുന്നത്.
എട്ടു ദിനരാത്രികളിലായി താന്ത്രികവിധിപ്രകാരമുള്ള വിശിഷ്ട പൂജകളും ക്ഷേത്രാചാരങ്ങളും ഭക്തിനിർഭരമായ ചടങ്ങുകളും നടക്കും. ക്ഷേത്രത്തിന്റെ തനത് ക്ഷേത്രകലകൾക്ക് പ്രത്യേക പ്രാധാന്യം നൽകിയാണ് ഇത്തവണത്തെ തിരുവുത്സവം സംഘടിപ്പിച്ചിരിക്കുന്നത്.
സത്കർമ്മങ്ങളിലും പൂജകളിലും വഴിപാടുകളിലും കലാപരിപാടികളിലും ആത്മാർത്ഥമായി പങ്കുചേർന്ന് സഹകരിക്കുന്ന എല്ലാ ഭക്തജനങ്ങളോടും ക്ഷേത്ര ഉപദേശക സമിതി ഹൃദയം നിറഞ്ഞ നന്ദിയും സ്നേഹവും രേഖപ്പെടുത്തി.
`
