പാലാ: പാർട്ടി ഭാരവാഹികളുടെ സാമ്പത്തിക ഇടപാടുകളില്‍ കർശന നിയന്ത്രണം കൊണ്ടുവരണമെന്ന് സി.പി.എം കോട്ടയം വിപുലീകൃത ജില്ലാ കമ്മിറ്റി യോഗത്തില്‍ പ്രതിനിധികളുടെ ആവശ്യം.
സഹകരണ ബാങ്ക് പ്രവർത്തനങ്ങളില്‍ പല നേതാക്കള്‍ക്കും വീഴ്ച ഉണ്ടാകുന്നുവെന്നും നേതാക്കളുടെ മനോഭാവവും ഇടപെടലുമാണ് കനത്ത പരാജയത്തിന് കാരണമെന്നും യോഗത്തില്‍ വിമർശനം ഉയർന്നു.
കോട്ടയം ജില്ലയില്‍ സംഘടനാ പ്രവർത്തനത്തിന്റെ ശക്തി കുറഞ്ഞതായും വിമർശനമുണ്ടായി. ജില്ലയില്‍ കേരള കോണ്‍ഗ്രസ് എമ്മിന് അമിത പ്രാധാന്യം നല്‍കിയതും തിരിച്ചടിയായി.
ജില്ലയില്‍ മുഴുവൻ സീറ്റുകളിലും എല്‍ഡിഎഫ് തോറ്റത് നേതൃത്വത്തിന്റെ വീഴ്ചയാണ്. വിദ്യാർത്ഥി യുവജന പ്രസ്ഥാനങ്ങളുടെ പ്രവർത്തനങ്ങള്‍ ജില്ലയില്‍ ശക്തി കുറയുകയാണെന്നും പ്രതിനിധികള്‍ വിമർശനം ഉയർത്തി. ഇന്നും പൊതു ചർച്ച തുടരും. ജില്ലാ കമ്മിറ്റിയിലും ജില്ലാ സെക്രട്ടറിയേറ്റിലും ചില മാറ്റങ്ങള്‍ ഉണ്ടായേക്കും.
