തിരുവനന്തപുരം: കോവിഡ് കാലത്ത് വാങ്ങിയ മെഡിക്കല്‍ ഉപകരണങ്ങളുടെ വാങ്ങലിലും പ്രവർത്തനത്തിലും വ്യാപകമായ ക്രമക്കേടുകള്‍ കണ്ടെത്തിയതിനെ തുടർന്ന് വിജിലൻസ് അന്വേഷണത്തിന് ശുപാർശ ചെയ്ത് ആരോഗ്യമന്ത്രി കെ.മുരളീധരൻ.
നിയമസഭയില്‍ അബിൻ വർക്കി എംഎല്‍എയുടെ ചോദ്യത്തിനായിരുന്നു മന്ത്രിയുടെ മറുപടി.
ആരോഗ്യ വകുപ്പ് വാങ്ങിയ 222 ഫണ്ടസ് ക്യാമറയില്‍ ഘടിപ്പിച്ച ഐ ഫോണുകള്‍ അടക്കം കാണാനില്ലന്നും മന്ത്രി ചൂണ്ടിക്കാട്ടി.
കോവിഡ് കാലത്ത് സർക്കാർ വാങ്ങിക്കൂട്ടിയ കോടികളുടെ ആരോഗ്യ ഉപകരണങ്ങള്‍ ഇന്നും പെട്ടി പോലും പൊട്ടിക്കാതെ ഗോഡൗണുകളില്‍ നശിച്ചുകിടക്കുകയാണെന്ന് അബിൻ വർക്കി എംഎല്‍എ ചൂണ്ടിക്കാട്ടി.
സംസ്ഥാനത്തെ 215 ആശുപത്രികളിലായി 1252-ഓളം ഉപകരണങ്ങളാണ് ഇതുവരെ ഉപയോഗിക്കാതെ കിടക്കുന്നത്. ഇതില്‍ 222 ഉപകരണങ്ങള്‍ പെട്ടി പോലും പൊട്ടിച്ചിട്ടില്ല.
5000 കോടി രൂപയില്‍ അധികം മുടക്കി സാധനങ്ങള്‍ വാങ്ങിയതില്‍ 1500 കോടി രൂപയുടെ ഉപകരണങ്ങളും ഉപയോഗശൂന്യമാണ്.
നൂറുകണക്കിന് വെന്റിലേറ്ററുകളും മറ്റ് ജീവൻരക്ഷാ ഉപകരണങ്ങളും സാധാരണക്കാരിലേക്ക് എത്തിക്കാതെ സർക്കാർ സംവിധാനങ്ങള്‍ പരാജയപ്പെട്ടുവെന്നും ഇതിന് പിന്നിലെ ക്രമക്കേടുകള്‍ അന്വേഷിക്കണമെന്നും അദ്ദേഹം ആവശ്യപ്പെട്ടു.
