കോട്ടയം : പോലീസ് കസ്റ്റഡിയിൽ മർദ്ദനമേറ്റ് കോട്ടയം മെഡിക്കൽ കോളേജിൽ ചികിത്സയിൽ കഴിയുന്ന പൂഞ്ഞാർ സ്വദേശി അഭിലാഷിനെയാണ് എസ്ഡിപിഐ നേതാക്കൾ സന്ദർശിച്ചത്. മോഷണക്കുറ്റം ആരോപിച്ചാണ് യുവാവിനെ പോലീസ് മർദ്ദിച്ചത്.
സംഭവത്തിന് പിന്നാലെ യുവാവ് കോട്ടയം മെഡിക്കൽ കോളേജിൽ ചികിത്സ തേടുകയായിരുന്നു. കുറ്റക്കാർക്കെതിരെ കർശന നടപടി സ്വീകരിക്കണമെന്ന് എസ്ഡിപിഐ ജില്ലാ പ്രസിഡന്റ് യു നവാസ് പറഞ്ഞു. യുവാവിനെ മർദ്ദിച്ച മുഴുവൻ പോലീസുകാർക്കെതിരെയും നടപടി സ്വീകരിക്കണമെന്നും പോലീസ് തുടരുന്ന അനാസ്ഥ അവസാനിപ്പിക്കണമെന്നും അദ്ദേഹം ആവശ്യപ്പെട്ടു.
കോട്ടയം ജില്ലാ പ്രസിഡന്റ് യു നവാസ്, ജില്ലാ ജനറൽ സെക്രട്ടറി നിസാം ഇത്തിപ്പുഴ, പൂഞ്ഞാർ മണ്ഡലം പ്രസിഡന്റ് ഹലീൽ തലപ്പള്ളിൽ, കോട്ടയം മണ്ഡലം സെക്രട്ടറി അജ്മൽ നാസർ എന്നിവരാണ് മെഡിക്കൽ കോളേജിൽ യുവാവിനെ സന്ദർശിച്ചത്.
