കൊല്ലം : പ്രായപൂര്ത്തിയാകാത്ത മകന് സ്കൂട്ടര് ഓടിച്ച സംഭവത്തിൽ അമ്മയ്ക്ക് പിഴയിട്ട് കോടതി. കൊല്ലത്താണ് സംഭവം. 14 വയസുകാരനായ മകന് സ്കൂട്ടര് നല്കിയതിന് 26,000 രൂപയാണ് കടയ്ക്കല് ഒന്നാം ക്ലാസ് മജിസ്ട്രേറ്റ് കോടതി പിഴ വിധിച്ചത്.
14കാരൻ ഓടിച്ച വാഹനം അമ്മയുടെ പേരിലാണ് രജിസ്റ്റര് ചെയ്തിരിക്കുന്നത്. തുടര്ന്നായിരുന്നു അമ്മയ്ക്ക് പിഴ വിധിച്ചത്. 2023 ഏപ്രില് ഒന്പതിനാണ് കേസിനാസ്പദമായ സംഭവം നടന്നത്.
ചിതറ പൊലീസ് മടത്തറ കൊല്ലായില് ജങ്ഷനില് നടത്തിയ വാഹന പരിശോധനയ്ക്കിടെയാണ് കുട്ടി പിടിയിലായത്. തുടര്ന്ന് പൊലീസ് ഉദ്യോഗസ്ഥര് കുട്ടിയുടെ രക്ഷകര്ത്താവിനെ വിളിച്ചുവരുത്തി കേസെടുക്കുകയായിരുന്നു.
