കോട്ടയം: സിഐടിയു സംസ്ഥാന സമ്മേളനത്തിനു മുന്നോടിയായി സിഐടിയു ജില്ലാ സമ്മേളനം ഇന്നും നാളെയും ഏറ്റുമാനൂര് എ.വി. റസല് നഗറില് (തോംസണ് കൈലാസ് ഓഡിറ്റോറിയം) ചേരും. ഇന്നു രാവിലെ 9.30ന് സമ്മേളന നഗറില് പതാക ഉയര്ത്തലോടെ സമ്മേളന നടപടികള് ആരംഭിക്കും.
പ്രതിനിധി സമ്മേളനം സിഐടിയു ദേശീയ ജനറല് സെക്രട്ടറി എളമരം കരീം ഉദ്ഘാടനം ചെയ്യും.
ദേശീയ സെക്രട്ടറി കെ.എന്. ഗോപിനാഥ്, സംസ്ഥാന സെക്രട്ടറി കെ.എസ്. സുനില്കുമാര്, സംസ്ഥാന വൈസ് പ്രസിഡന്റുമാരായ കെ.പി. മേരി, ടി.ആര്. രഘുനാഥന് എന്നിവര് പങ്കെടുക്കും.
