കൊച്ചി: ചേരാനല്ലൂർ വാഹനാപകട കേസിലെ കേസിലെ പ്രതിയായ ജഡ്ജി തിരികെ ജോലിയില്‍ പ്രവേശിച്ചു എന്നറിഞ്ഞപ്പോള്‍ പുച്ഛമാണ് തോന്നിയതെന്ന് വാഹനാപകടത്തില്‍ കൊല്ലപ്പെട്ട ജയബാലകൃഷ്ണന്റെ മകള്‍ ഭദ്രകീർത്തി.
ദൈവതുല്യരായി കാണുന്നവരുടെ ഇരിപ്പിടത്തില്‍ ഇരിക്കുമ്പോള്‍ അദ്ദേഹത്തിന് തന്നെ നാണം തോന്നുന്നില്ലേ എന്ന് ഭദ്രകീർത്തി ചോദിച്ചു. ജഡ്ജിക്കെതിരെ പരാതി നല്‍കിയിട്ടും ഒരു നടപടിയും സ്വീകരിക്കാത്തതില്‍ നല്ല വിഷമം ഉണ്ടെന്ന് ഭദ്രകീർത്തി പറഞ്ഞു.
ജുവനൈല്‍ കേസിലെ പ്രായപരിധി 16 ആക്കണമെന്ന ഹൈക്കോടതി നിർദ്ദേശം ഭദ്രകീർത്തി സ്വാഗതം ചെയ്തു . സർക്കാർ ഈ നിർദ്ദേശത്തെ അംഗീകരിക്കുമെന്നാണ് പ്രതീക്ഷ. നിയമ വിജ്ഞാനം സംസ്ഥാനത്തെ സ്കൂള്‍ വിദ്യാഭ്യാസത്തിന്റെ ഭാഗമാക്കണമെന്നും ഭദ്രകീർത്തി പറഞ്ഞു. സമൂഹത്തിലെ എല്ലാവരും ആ പരാമർശത്തോട് യോജിക്കുന്നുണ്ട്. 15 വയസ് കഴിഞ്ഞ് ആര് എന്ത് കുറ്റം ചെയ്താലും ശിക്ഷ നേരിടണമെന്ന് ഭദ്രകീർത്തി കൂട്ടിച്ചേർത്തു.
