വിഴിഞ്ഞം: ഉച്ചക്കട ജങ്ഷന് സമീപം നിര്‍ത്തിയിട്ടിരുന്ന കാറിന് തീപിടിച്ചു കത്തി നശിച്ചു.
വിഴിഞ്ഞം- ബാലരാമപുരം റൂട്ടില്‍ തിങ്കളാഴ്ച രാത്രി 9.15- ഓടെയായിരുന്നു സംഭവം.
കാറിലുണ്ടായിരുന്ന യുവാക്കള്‍ ഉടന്‍ തന്നെ ഇറങ്ങിയോടിയതിനാല്‍ വന്‍ ദുരന്തം ഒഴിവായി.
പനയറകുന്ന് സ്വദേശി മഹേഷ് ഓടിച്ചിരുന്ന കാറാണ് അപകടത്തില്‍പെട്ടത്. യാത്രയ്ക്കിടെ കാറിന്റെ പെട്രോള്‍ തീര്‍ന്നതിനെ തുടര്‍ന്ന് ഉച്ചക്കട ജങ്ഷന് സമീപം വാഹനം നിര്‍ത്തിയിടുകയായിരുന്നു.
കാറിലുണ്ടായിരുന്ന യുവാക്കളിലൊരാള്‍ സമീപത്തെ പമ്പിലേക്ക് പെട്രോള്‍ വാങ്ങാന്‍ പോയ സമയത്താണ് കാറിന്റെ മുന്‍ഭാഗത്ത് തീയും പുകയും ഉയര്‍ന്നത്.
