കണ്ണൂർ: ഭാര്യ വിവാഹമോചനത്തിന് കേസ് നൽകിയതിലെ വിരോധത്തിൽ അമ്മായിയമ്മയുടെ കാറിന്റെ ടയറുകൾ കുത്തിക്കീറിയ മരുമകനെതിരെ പൊലിസ് കേസെടുത്തു.
കണ്ണൂർ പരിയാരം സ്വദേശി ദീപക്കിനെതിരെയാണ് പെരിന്തട്ട സ്വദേശിനിയുടെ പരാതിയിൽ പൊലിസ് നടപടിയെടുത്തത്.
ഓഫീസിന്റെ പാർക്കിങ് ഗ്രൗണ്ടിൽ നിർത്തിയിട്ടിരുന്ന കാറിന്റെ ടയറുകളാണ് പ്രതി കുത്തിക്കീറി നശിപ്പിച്ചത്.
സിസിടിവി ദൃശ്യങ്ങൾ പരിശോധിച്ചപ്പോഴാണ് മഞ്ഞ റെയിൻകോട്ടും ഹെൽമെറ്റും ധരിച്ചെത്തിയ വ്യക്തിയാണ് അക്രമം നടത്തിയത് എന്ന് വ്യക്തമായത്.
തുടർന്ന് നടത്തിയ അന്വേഷണത്തിലാണ് ദീപക്കാണ് സംഭവത്തിന് പിന്നിലെന്ന് തിരിച്ചറിഞ്ഞത്. സംഭവത്തിൽ പൊലിസ് കേസ് രജിസ്റ്റർ ചെയ്ത് അന്വേഷണം ഊർജ്ജിതമാക്കിയിട്ടുണ്ട്.
