കുമരകം: കേരളാ പ്രദേശ് കർഷക കോൺഗ്രസ് കുമരകം മണ്ഡലം കമ്മറ്റിയുടെ ഓൺ ലൈൻ മാധ്യമ പുരസ്കാരം കുമരകംടുഡേ ചീഫ് എഡിറ്റർ പി.റ്റി. കുര്യന്. കേരള പ്രദേശ് കർഷക കോൺഗ്രസ് കുമരകം യുണിറ്റ് തിരുവോണത്തോടനുബന്ധിച്ച് സംഘടിപ്പിച്ച ഓണ നിറവ് 2k26 പരിപാടിയോടനുബന്ധിച്ചാണ് പുരസ്കാരം നൽകിയത്. കഴിഞ്ഞ ദിവസം പുതിയകാവ് ദേവി ക്ഷേത്രത്തിന് സമീപത്തെ എൻ എസ് എസ് ഹാളിൽ കർഷക കോൺഗ്രസ് മണ്ഡലം പ്രസിഡന്റ് ബിജു തൈത്തറയുടെ അധ്യക്ഷതയിൽ കൂടിയ യോഗത്തിൽ
നാട്ടകം സുരേഷ് എംഎൽഎ പരിപാടി ഉദ്ഘാടനം ചെയ്തു. എം എൽ എ യും ജില്ലാ പഞ്ചായത്തംഗം പി.കെ. വൈശാഖും ചേർന്ന് പുരസ്കാരം സമ്മാനിച്ചു. ബ്ലോക്ക് പഞ്ചായത്ത് . മെമ്പർ അഡ്വ. അലൻ കുര്യാക്കോസ് മാത്യു, കൃഷി ഓഫീസർ ആൻ സ്നേഹ ബേബി,കോൺഗ്രസ് മണ്ഡലം പ്രസിഡന്റ് സി.ജെ സാബു, തുടങ്ങിയവർ പരിപാടിയിൽ സംബന്ധിച്ചു.ചടങ്ങിൽ മികച്ച കർഷകരെയും ആദരിച്ചു.പഞ്ചായത്ത് മെമ്പർമാരായ സലിമാ ശിവാത്മ ജൻ, ദിവ്യാ ദാമോദരൻ, ടിറ്റു ലൂയിസ്, കർഷക കോൺഗ്രസ് ജില്ലാ സെക്രട്ടറി അഡ്വക്കേറ്റ് പി. കെ. മനോഹരൻ, കുഞ്ഞച്ചൻ വേലിത്തറ, ബിൻസി തോമസ്, രഘു അകവൂർ, വി എസ് പ്രദീപ് കുമാർ എന്നിവർ ചടങ്ങിൽ പങ്കെടുത്തു. അച്ചടി മാധ്യമമായ ദീപിക ദിനപത്രത്തിൻ്റെ കുമരകം ലേഖകനായി വർഷങ്ങളായി കുമരകത്തെ വാർത്തകൾ റിപ്പോർട്ട് ചെയ്യുന്ന പി. ടി കുര്യൻ കുമരകത്തെ ഏറ്റവും വലിയ പ്രാദേശിക ഓൺലൈൻ മാധ്യമമായ കുമരകം ടുഡേയിലൂടെ നടത്തിയ വാർത്താ വിതരണ മികവിനാണ് അംഗീകാരം ലഭിച്ചത്.
