നിലക്കടല ദിവസവും കഴിക്കുന്നത് തലച്ചോറിന്റെ ആരോഗ്യത്തെയും ഓർമ്മശക്തിയെയും സഹായിച്ചേക്കാമെന്ന് പഠനം.
ദിവസവും നിലക്കടല കഴിക്കുന്നത് തലച്ചോറിന്റെ ആരോഗ്യത്തെയും ഓർമ്മശക്തിയെയും സഹായിച്ചേക്കാമെന്ന് പഠനം.
ദിവസവും നിലക്കടല കഴിക്കുന്നത് തലച്ചോറിന്റെ ആരോഗ്യത്തെയും ഓർമ്മശക്തിയെയും സഹായിച്ചേക്കാമെന്ന് പഠനം. ഒരു പിടി നിലക്കടല എന്നത് വെറുമൊരു ലഘുഭക്ഷണം മാത്രമല്ല. ഉപ്പ് ചേർക്കാത്തതും തൊലിയോടെ വറുത്തതുമായ നിലക്കടല ദിവസവും കഴിക്കുന്നത്, പ്രായമായവരില്, പ്രത്യേകിച്ച് ഓർമ്മശക്തിയുമായി ബന്ധപ്പെട്ട മസ്തിഷ്ക ഭാഗങ്ങളില് ഇൻസുലിനോടുള്ള പ്രതികരണത്തെ ഗുണപരമായി സ്വാധീനിച്ചേക്കാമെന്ന് ഒരു പുതിയ പഠനം കണ്ടെത്തി.
നെതർലൻഡ്സിലെ മാസ്ട്രിക്റ്റ് യൂണിവേഴ്സിറ്റി മെഡിക്കല് സെന്ററിലെ ഗവേഷകർ പഠനം നടത്തുകയായിരുന്നു. 16 ആഴ്ചകളിലായി പതിവായി നിലക്കടല കഴിക്കുന്നത് ചെലുത്തുന്ന സ്വാധീനത്തെക്കുറിച്ച് പഠനം നടത്തി. ഇതിലൂടെ, തലച്ചോറിലെ ചില പ്രത്യേക ഭാഗങ്ങളില് ഇൻസുലിനോടുള്ള പ്രതികരണശേഷിയില് മാറ്റങ്ങള് സംഭവിക്കുന്നതായി അവർ കണ്ടെത്തി.
60-നും 75-നും ഇടയില് പ്രായമുള്ളരിലാണ് പഠനം നടത്തിയത്. ഇവർ 16 ആഴ്ചകളോളം, ദിവസവും 60 ഗ്രാം വീതം തൊലിയോട് കൂടിയതും ഉപ്പ് ചേർക്കാത്തതുമായ നിലക്കടല കഴിച്ചു. പതിവായി നിലക്കടല കഴിക്കുന്നത്, ഓർമ്മശക്തിയുമായി ബന്ധപ്പെട്ട തലച്ചോറിലെ ഭാഗങ്ങള് ഇൻസുലിനോട് പ്രതികരിക്കുന്ന രീതിയെ സ്വാധീനിച്ചേക്കാം എന്ന് പഠനഫലങ്ങള് സൂചിപ്പിക്കുന്നു.
പ്രായമായവരില് ദിവസവും നിലക്കടല കഴിക്കുന്നത്, തലച്ചോറിലെ ഓർമ്മശക്തിയുമായി ബന്ധപ്പെട്ട ഭാഗങ്ങളില് ഇൻസുലിനോടുള്ള പ്രതികരണശേഷി മെച്ചപ്പെടുത്താൻ സഹായിക്കുന്നതായി ഞങ്ങളുടെ പഠനത്തില് കണ്ടെത്തി. ഉപ്പ് ചേർക്കാത്തതും തൊലിയോടെ വറുത്തതുമായ നിലക്കടല കഴിക്കുന്നത് തലച്ചോറിന്റെ പ്രത്യേക ഭാഗങ്ങളില് ഇൻസുലിനോടുള്ള പ്രതികരണശേഷി വർദ്ധിപ്പിക്കുന്നതിലൂടെ ചിന്താശേഷിയുമായി ബന്ധപ്പെട്ട ഗുണങ്ങള് നല്കാൻ കാരണമായേക്കാം എന്ന് ഈ കണ്ടെത്തലുകള് സൂചിപ്പിക്കുന്നുതായി മാസ്ട്രിക്റ്റ് യൂണിവേഴ്സിറ്റി മെഡിക്കല് സെന്ററിലെ ന്യൂട്രിഷൻ ആൻഡ് മൂവ്മെന്റ് സയൻസസ് വിഭാഗം അസോസിയേറ്റ് പ്രൊഫസർ ഡോ. പീറ്റർ ജോറിസ് പറഞ്ഞു.
ആരോഗ്യകരമായ മസ്തിഷ്ക പ്രവർത്തനത്തിന് സഹായകമായേക്കാവുന്ന പല പോഷകങ്ങളും നിലക്കടലയില് അടങ്ങിയിട്ടുണ്ട്. അണ്സാച്ചുറേറ്റഡ് കൊഴുപ്പുകള്, ഡയറ്ററി ഫൈബർ, വിറ്റാമിനുകള്, ധാതുക്കള്, ജൈവപ്രവർത്തന ശേഷിയുള്ള സസ്യ സംയുക്തങ്ങള് എന്നിവ ഇതില് ഉള്പ്പെടുന്നു.
നിലക്കടലയില് അടങ്ങിയിരിക്കുന്ന അണ്സാച്ചുറേറ്റഡ് കൊഴുപ്പുകള്, ഡയറ്ററി ഫൈബർ, വിറ്റാമിനുകള്, ധാതുക്കള്, ബയോ ആക്റ്റീവ് ഫൈറ്റോകെമിക്കലുകള് തുടങ്ങിയ വിവിധ പോഷകങ്ങള് തലച്ചോറിന് ലഭിക്കുന്ന ഗുണങ്ങള്ക്ക് കാരണമായേക്കാം. ഇവയില് 'എല്-ആർജിനൈൻ' (L-arginine) ധാരാളമായി അടങ്ങിയിട്ടുണ്ട്. പഠനശേഷിയെയും ഓർമ്മശക്തിയെയും മെച്ചപ്പെടുത്താൻ സഹായിക്കുന്ന 'നൈട്രിക് ഓക്സൈഡ്' ഉല്പ്പാദിപ്പിക്കപ്പെടുന്നതിന് എല്-ആർജിനൈൻ ഒരു പ്രധാന ഘടകമായി പ്രവർത്തിക്കുന്നു.






