കോട്ടയം: ബിജെപിയുടെ ജനാധിപത്യ സംരക്ഷണ പദയാത്ര ഇന്ന് കോട്ടയത്ത്.
ഉച്ച കഴിഞ്ഞ് മൂന്നോടെ നാഗമ്പടത്ത് നിന്ന് ആരംഭിക്കുന്ന കോട്ടയം വെസ്റ്റ് ജില്ലയുടെ പദയാത്രയും കഞ്ഞിക്കുഴിയിൽ നിന്നു കോട്ടയം ഈസ്റ്റ് ജില്ല കമ്മിറ്റിയുടെ പദയാത്രയും കളക്ടറേറ്റ് ജംഗ്ഷനിൽ സംഗമിക്കും.
വൈകിട്ട് നാലോടെ ഇരുപദയാത്രകളും കെകെ റോഡ് വഴി തിരുനക്കര മൈതാനത്ത് സംഗമിക്കും. തുടർന്ന് ചേരുന്ന പൊതുസമ്മേളനം ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖരൻ എംഎൽഎ ഉദ്ഘാടനം ചെയ്യും.
കേന്ദ്രമന്ത്രി സുരേഷ് ഗോപി പദയാത്രയെ അഭിസംബോധന ചെയ്ത് സംസാരിക്കും.
പിഎസ്സി നിയമന വിവാദങ്ങൾ, കിഫ്ബി അഴിമതി ആരോപണങ്ങൾ, പിണറായി സർക്കാരിനെതിരായ ആരോപണങ്ങളിൽ കോൺഗ്രസ് സ്വീകരിക്കുന്ന നിലപാട്, എസ്ഐആറിനെതിരെ നടക്കുന്ന അടിസ്ഥാനരഹിതമായ പ്രചാരണങ്ങൾ തുടങ്ങിയ വിഷയങ്ങൾ ഉയർത്തിയാണ് ജനാധിപത്യ സംരക്ഷണ പദയാത്ര സംഘടിപ്പിക്കുന്നതെന്നു ബിജെപി സംസ്ഥാന വൈസ്പ്രസിഡന്റ് ഷോൺ ജോർജ് പറഞ്ഞു.
