'ബയോപ്സി' എന്ന വാക്ക് കേട്ടിട്ടില്ലാത്തവർ ഇന്നത്തെ കാലത്തുണ്ടാവില്ല. കേൾക്കുന്നവന്റെയുള്ളിൽ ഭയത്തിന്റെ ചെറുവിത്തുകൾ കൂടി വിതറിയിടാറുണ്ട് ഈ വാക്ക്, പ്രത്യേകിച്ചും നമുക്കോ വേണ്ടപ്പെട്ടവർക്കോ ആണ് ആ പരിശോധന വേണ്ടതെങ്കിൽ. കാരണം, ഒരു സാധാരണക്കാരനെ സംബന്ധിച്ച് 'ബയോപ്സി' ക്യാൻസറിന്റെ രോഗനിർണ്ണയോപാധിയാണ്.
ശരീരത്തിലെ ഒരവയവത്തില് നിന്നോ കോശങ്ങളില് നിന്നോ ചെറിയൊരു സാമ്പിള് സൂക്ഷ്മപരിശോധനയ്ക്കായി എടുത്തു പരിശോധിക്കുന്ന വൈദ്യശാസ്ത്ര നടപടിക്രമമാണ് ബയോപ്സി.
രോഗത്തിന്റെ കൃത്യമായ കാരണം, കാൻസർ പോലുള്ളവയുടെ സാന്നിധ്യം, അണുബാധകള് എന്നിവ തിരിച്ചറിയാനും, ചികിത്സ എങ്ങനെയെന്ന് തീരുമാനിക്കാനും ഇത് സഹായിക്കുന്നു
എന്തുകൊണ്ട് ചെയ്യുന്നു?
മുഴകള്, ചർമ്മത്തിലെ അസാധാരണ മാറ്റങ്ങള്, വിട്ടുമാറാത്ത അണുബാധകള് എന്നിവയുടെ യഥാർത്ഥ അവസ്ഥ അറിയാനാണ് ഇത് ചെയ്യുന്നത്. ബയോപ്സി എന്നാല് കാൻസർ എന്നല്ല അർത്ഥമാക്കുന്നത്, മിക്ക പരിശോധനകളിലും കാൻസർ ഇല്ലെന്ന് കണ്ടെത്താനാകാറുണ്ട്.
എങ്ങനെ എടുക്കുന്നു?
സൂചി ഉപയോഗിച്ചെടുക്കുന്ന 'നീഡില് ബയോപ്സി' (Needle biopsy), എൻഡോസ്കോപ്പ് വഴി എടുക്കുന്ന 'എൻഡോസ്കോപ്പിക് ബയോപ്സി' (Endoscopic biopsy), ശസ്ത്രക്രിയയിലൂടെ ചെറിയ ഭാഗം മുറിച്ചെടുക്കുന്ന രീതികള് എന്നിവ ഇതില് ഉള്പ്പെടുന്നു.
പരിശോധന
ശേഖരിക്കുന്ന സാമ്പിളുകള് ലബോറട്ടറിയില് 'പത്തോളജിസ്റ്റ്' (Pathologist) എന്ന വിദഗ്ദ്ധൻ മൈക്രോസ്കോപ്പിലൂടെ വിശദമായി പരിശോധിക്കുന്നു.
