തിരുവനന്തപുരം: ബേക്കറി വഴി വീര്യം കൂടിയ ഹോർട്ടിവൈൻ വില്‍പ്പനയുമായി ബന്ധപ്പെട്ട് കൈകൊണ്ട തീരുമാനം റദ്ദാക്കാൻ സർക്കാർ.
എക്‌സൈസ് മന്ത്രി എം ലിജുവിന്റെ അനുമതിയോടുകൂടിയല്ലാത്ത തീരുമാനത്തില്‍ അന്വേഷണവും ആരംഭിക്കും. ഉദ്യോഗസ്ഥ തലത്തില്‍ എങ്ങനെ തീരുമാനം ഉണ്ടായെന്നതില്‍ അന്വേഷണം ഉണ്ടാകും.
ബേക്കറി വഴിയുള്ള വൈൻ വില്‍പ്പന മുഖ്യമന്ത്രി വി ഡി സതീശൻ അറിഞ്ഞിട്ടില്ല മാത്രവുമല്ല തീരുമാനം എടുത്തത് അബ്കാരി ഡെപ്യൂട്ടി കമ്മീഷണർ ആണെന്നാണ് വിവരം. അബ്കാരി അഡീഷണല്‍ ഡെപ്യൂട്ടി കമ്മീഷണർ സി കെ അനില്‍കുമാർ എന്ന ഉദ്യോഗസ്ഥനെതിരെ നടപടി ഉണ്ടാകും. വിഷയത്തില്‍ അഡീഷണല്‍ ചീഫ് സെക്രട്ടറിയില്‍ നിന്ന് നിയമപദേശം തേടി. സർക്കാരിന്റെ നയപരമായ കാര്യങ്ങളില്‍ ഉദ്യോഗസ്ഥർ തീരുമാനം എടുക്കുന്നതില്‍ മുഖ്യമന്ത്രിക്കും അതൃപ്തിയുണ്ട്.
വലിയ തോതിലുള്ള ആശങ്ക മന്ത്രി അറിയിച്ചതിന് പിന്നാലെയാണ് തീരുമാനം റദ്ദാക്കാനുള്ള നടപടി സ്വീകരിച്ചിരിക്കുന്നത്. ഹൈപ്പർ സൂപ്പർമാർക്കറ്റുകള്‍, 100 ചതുരശ്ര മീറ്ററില്‍ കുറയാത്ത വിസ്തീർണ്ണം ഉള്ള ബേക്കറികള്‍ എന്നിവിടങ്ങളിലാണ് വീര്യം കൂടിയ വൈൻ വില്പന ചെയ്യാനാവുക.
