കുമരകത്ത് കന്നിട്ട, കൊച്ചിടവട്ടം പ്രദേശത്ത് ഓണത്തിനെങ്കിലും കുടിവെള്ളം കിട്ടുമോ ? നിവേദനം നൽകി കാത്തിരിക്കുന്നു നാട്ടുകാർ.

കുമരകം: കുമരകത്തെ 7, 10,12 എന്നീ വാർഡുകൾ ഉൾപ്പെട്ട കന്നിട്ട, കൊച്ചിടവട്ടം പ്രദേശത്ത് കുടിവെള്ളം വിതരണം മുടങ്ങിയിട്ട് നാളുകളേറെയായിട്ടും പ്രശ്നത്തിന് പരിഹാരം കാണാൻ അധികൃതർ തയ്യാറാകുന്നില്ലെന്ന് നാട്ടുകാരുടെ പരാതി. കുടിവെള്ള വിതരണം പുന:സ്ഥാപിക്കണമെന്ന് ആവശ്യപ്പെട്ട് നിരവധി തവണ അധികൃതരെ വിവരം അറിയിച്ചിട്ടും എം എൽ എ, പഞ്ചായത്ത് പ്രസിഡന്റ് എന്നിവർക്ക് നിവേദനം നൽകിയിട്ടും ഇതുവരെ യാതൊരു നടപടിയും ഉണ്ടായിട്ടില്ലന്നുമാണ് പരാതി. ഓണം ഇങ്ങടുത്തെത്തിയിട്ടുംകുടിവെള്ള ലഭിക്കാത്തതിനാൽ ദുരിതത്തിലാണ് കുറെയേറെ വീട്ടുകാർ. പ്രശ്നത്തിന് എത്രയും വേഗം പരിഹാരം കാണണമെന്നാണ് നാട്ടുകാരുടെ ആവശ്യം.