കോട്ടയം: കർക്കടക മാസാചരണത്തിന്റെ ഭാഗമായി കോട്ടക്കൽ ആര്യവൈദ്യശാല കോട്ടയം ബ്രാഞ്ചിന്റെ ആഭിമുഖ്യത്തിൽ നാഗമ്പടം മഹാദേവക്ഷേത്രത്തിൽ ഔഷധക്കഞ്ഞി വിതരണം നടത്തി. ചടങ്ങ് കോട്ടയം നഗരസഭാധ്യക്ഷൻ എം.പി. സന്തോഷ്കുമാർ ഉദ്ഘാടനം ചെയ്തു.
കർക്കടക മാസത്തിൽ പ്രായഭേദമെന്യേ ഔഷധക്കഞ്ഞി സേവിക്കുന്നത് ശരീരബലവും രോഗപ്രതിരോധ ശേഷിയും ദഹനശക്തിയും നിലനിർത്താൻ സഹായകരമാണെന്ന് കോട്ടക്കൽ ആര്യവൈദ്യശാല കോട്ടയം ബ്രാഞ്ച് ചീഫ് മെഡിക്കൽ ഓഫീസർ ഡോ. ബി. ഹേമചന്ദ്രൻ അറിയിച്ചു.
ചടങ്ങിൽ ക്ഷേത്രം മേൽശാന്തി കുമരകം രജീഷ് ശാന്തി, സതീഷ് മണലേൽ, ഇന്ദിരാ രാജപ്പൻ, സുഷമാ മോനപ്പൻ, രാജേന്ദ്രപ്രസാദ്, എസ്. ധർമ്മരാജൻ, വി. പ്രദീപ് എന്നിവർ നേതൃത്വം നൽകി.
