മേടക്കൂറ് (അശ്വതി, ഭരണി, കാർത്തിക ആദ്യപാദം): സൂര്യൻ ഏഴാംഭാവത്തിൽ ആയതിനാൽ കൂടുതൽ അധ്വാനം വേണ്ടിവരും. വയറുവേദനയ്ക്കു സാധ്യത. രോഗാരിഷ്ടങ്ങൾക്കെതിരെ കരുതൽ വേണം.
ഇടവക്കൂറ് ( കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): സൂര്യൻ ആറാംഭാവത്തിൽ ആയതിനാൽ രോഗങ്ങൾക്കു ശമനം, ശത്രുക്കൾക്കു നാശം, ദുഃഖനവൃത്തി എന്നിവ ഫലം.
മിഥുനക്കൂറ് ( മകയിരം അവസാനപകുതി, തിരുവാതിര, പുണർതം ആദ്യ മുക്കാൽഭാഗം:ഈ നക്ഷത്രക്കാർക്ക് സൂര്യൻ അഞ്ചാം ഭാവത്തിൽ നിൽക്കുന്നതിനാൽ മനസ്സ് ചെറിയ തോതിൽ അസ്വസ്ഥമായിരിക്കും. രോഗങ്ങൾക്കെതിരെ ജാഗ്രത വേണം.
കർക്കടകക്കൂറ് (പുണർതം അവസാനപാദം, പൂയം, ആയില്യം): സൂര്യൻ നാലാം ഭാവത്തിൽ ആയതിനാൽ രോഗബാധകൾക്കെതിരെ കരുതൽ വേണം. ദാമ്പത്യകാര്യങ്ങളിൽ രോഗാരിഷ്ടം മൂലവും മറ്റും ചെറിയ തോതിൽ തടസ്സം അനുഭവപ്പെടും.
ചിങ്ങക്കൂറ് ( മകം, പൂരം, ഉത്രം ആദ്യപാദം):സൂര്യൻ മൂന്നാം ഭാവത്തിൽ ആയതിനാൽ വീട് വാങ്ങാനോ പണിയാനോ സാധിക്കും. ജോലിയിൽ ഉയർന്ന സ്ഥാനം ലഭിക്കും. ധനലാഭം, സന്തോഷം എന്നിവയുണ്ടാകും. അലങ്കാരവസ്തുക്കൾ വാങ്ങാൻ കഴിയും. ശത്രുക്കൾ നശിക്കും.
കന്നിക്കൂറ് ( ഉത്രം (അവസാന മുക്കാൽഭാഗം, അത്തം, ചിത്തിര ആദ്യപകുതി):സൂര്യൻ രണ്ടാം ഭാവത്തിൽ ആയതിനാൽ മനസ്സിന്റെ നിയന്ത്രണം നഷ്ടപ്പെടാതിരിക്കാൻ പ്രത്യേക ജാഗ്രത വേണം. മറ്റുള്ളവരാൽ വഞ്ചിക്കപ്പെടാതിരിക്കാൻ കരുതൽ വേണം.
തുലാക്കൂറ് (ചിത്തിര അവസാനപകുതി, ചോതി, വിശാഖം ആദ്യ മുക്കാൽഭാഗം) : സൂര്യൻ ജന്മരാശിയിൽ ആയതിനാൽ ചെറിയ മനഃപ്രയാസങ്ങൾ അനുഭവപ്പെടുന്നതായി തോന്നും. ചെലവു കൂടും. മുൻകോപം, രോഗഭീതി എന്നിവയുമുണ്ടാകും.
വൃശ്ചികക്കൂറ് (വിശാഖം അവസാന പാദം, അനിഴം, തൃക്കേട്ട) സൂര്യൻ പന്ത്രണ്ടാം ഭാവത്തിൽ ആയതിനാൽ ചെറിയ തോതിൽ കഷ്ടപ്പാടുകളെ നേരിടേണ്ടി വരും. ധനനഷ്ടം, ബന്ധുക്കളിൽ ചിലരുമായി വിരോധം എന്നിവയ്ക്കു സാധ്യത. പനിക്കെതിരെ ജാഗ്രത വേണം.
ധനുക്കൂറ് (മൂലം, പൂരാടം, ഉത്രാടം ആദ്യപാദം):സൂര്യൻ പതിനൊന്നാം ഭാവത്തിൽ ആയതിനാൽ പുതിയ ജോലി കിട്ടാൻ സാധ്യത. സ്ഥാനലബ്ധി, അഭിമാനം, ധനലാഭം എന്നിവയ്ക്കു സാധ്യത. രോഗങ്ങൾക്കു ശമനമുണ്ടാകും.
മകരക്കൂറ് ( ഉത്രാടം (അവസാന മുക്കാൽഭാഗം, തിരുവോണം, അവിട്ടം ആദ്യപകുതി):സൂര്യൻ പത്താം ഭാവത്തിൽ ആയതിനാൽ പുതിയ ജോലി ലഭിക്കും. സ്ഥാനലബ്ധി, അഭിമാനം, ധനലാഭം എന്നിവയുണ്ടാകും.
കുംഭക്കൂറ് (അവിട്ടം അവസാനപകുതി, ചതയം, പൂരുരുട്ടാതി ആദ്യ മുക്കാൽഭാഗം): സൂര്യൻ ഒൻപതാം ഭാവത്തിൽ ആയതിനാൽ ആപത്തുകൾക്കെതിരെ ജാഗ്രത വേണം. ദീനത, പ്രിയപ്പെട്ടവരുമായി വിരഹം, ഉന്മേഷക്കുറവ് എന്നീ ഫലങ്ങൾക്കു സാധ്യത.
മീനക്കൂറ് (പൂരുരുട്ടാതി അവസാനപാദം, ഉത്തൃട്ടാതി, രേവതി): സൂര്യൻ എട്ടാം ഭാവത്തിൽ ആയതിനാൽ കലഹം, രാജനീതി, ദുഃഖം എന്നിവ ഫലം.
