പാലക്കാട്: ഏഷ്യൻ ഗെയിംസ് മെഡല്‍ ജേതാക്കളെ സംസ്ഥാന സർക്കാർ അവഗണിക്കുന്നുവെന്ന് മലയാളി ലോങ്ജംപ് താരം എം ശ്രീശങ്കർ.
മുഖ്യമന്ത്രിയോ കായികമന്ത്രിയോ സർക്കാരില്‍ നിന്ന് മറ്റാരെങ്കിലുമോ ഇതുവരെ വിളിച്ചു സംസാരിച്ചിട്ടില്ലെന്നും ശ്രീശങ്കർ പറഞ്ഞു.
തമിഴ്നാട് ഉള്‍പ്പെടെയുള്ള മറ്റു സംസ്ഥാന സർക്കാരുകള്‍ താരങ്ങള്‍ക്ക് പ്രഖ്യാപിച്ച പാരിതോഷികം നല്‍കി. കേരളത്തില്‍ ഇതുവരെ ഒരു അറിയിപ്പും ലഭിച്ചില്ല.
പാരിതോഷികവും ആനുകൂല്യങ്ങളും കേരളത്തില്‍ താരതമ്യേന വളരെ കുറവ്. കുറവ് പരിതോഷികം നല്‍കുന്ന സംസ്ഥാനങ്ങളില്‍ കേരളത്തിന് പിന്നിലുള്ളത് മണിപ്പൂർ മാത്രമാണെന്നും ശ്രീശങ്കർ പറഞ്ഞു.
