ഹൈദരാബാദ്: ട്രെയിനിടിച്ച്‌ 195-ഓളം ആടുകള്‍ ചത്തു. തെലങ്കാനയില്‍ ഓഷാപുരിലാണ് സംഭവം. ന്യൂഡല്‍ഹിയില്‍നിന്ന് ഹൈദരാബാദിലേക്ക് പോവുകയായിരുന്ന ദക്ഷിണ്‍ എക്സ്പ്രസ് ഇടിച്ചാണ് ആടുകള്‍ക്ക് ജീവൻ നഷ്ടമായത്.
195-ഓളം ആടുകള്‍ ചത്തെന്നാണ് ആർപിഎഫ് നല്‍കുന്ന കണക്ക്. അതേസമയം, 375 ആടുകള്‍ ചത്തെന്നും 50-ഓളം ആടുകള്‍ക്ക് പരിക്കേറ്റതായും ഉടമയായ ബാലാമണി കിസ്തയ്യ പറഞ്ഞു.
ചൊവ്വാഴ്ച പുലർച്ചെ രണ്ടരയോടെ ബിബിനഗർ ഗട്കേസർ സ്റ്റേഷനുകള്‍ക്കിടയിലാണ് സംഭവം. ആട്ടിൻകൂട്ടം റെയില്‍വേ ട്രാക്കിലേക്ക് ഓടിക്കയറിയതിന് പിന്നാലെ ഇതുവഴിയെത്തിയ ട്രെയിൻ ഇടിക്കുകയായിരുന്നു.
റെയില്‍വേ ട്രാക്കിന് സമീപത്തെ വളപ്പിലാണ് ആട്ടിൻകൂട്ടത്തെ പാർപ്പിച്ചിരുന്നത്. രാത്രി തെരുവുനായ്ക്കള്‍ ഇവിടെയെത്തി കുരച്ചത്തോടെ ആടുകള്‍ ഭയന്ന് സമീപത്തെ റെയില്‍വേ ട്രാക്കിലേക്ക് ഓടിക്കയറിയെന്നാണ് നിഗമനം. ആടുകളുടെ ഉടമയായ ബാലാമണി ചൊവ്വാഴ്ച രാവിലെയാണ് സംഭവമറിയുന്നത്. 375-ഓളം ആടുകളെ നഷ്ടമായെന്നും ഏകദേശം 40 ലക്ഷം രൂപയുടെ നഷ്ടമുണ്ടായെന്നുമാണ് ബാലാമണി പറയുന്നത്. സർക്കാരില്‍നിന്ന് നഷ്ടപരിഹാരം വേണമെന്നും ഇവർ ആവശ്യപ്പെട്ടു.
അതേസമയം, ഇതുവരെയുള്ള കണക്കുകള്‍ പ്രകാരം 195 ആടുകള്‍ക്ക് ജീവഹാനി സംഭവിച്ചെന്നാണ് ആർപിഎഫ് പറയുന്നത്. വിശദമായ കണക്കെടുത്ത് വരികയാണെന്നും സംഭവത്തില്‍ കേസെടുത്തിട്ടുണ്ടെന്നും ആർപിഎഫ് ഇൻസ്പെക്ടർ രാകേഷ് മീണ പറഞ്ഞു. ആടുകളുടെ പോസ്റ്റ്മോർട്ടം നടത്തിവരികയാണെന്ന് ബിബിനഗർ തഹസില്‍ദാർ അശോക് റെഡ്ഡിയും പ്രതികരിച്ചു. പോസ്റ്റ്മോർട്ടത്തിന് ശേഷം ജില്ലാ കളക്ടർക്ക് റിപ്പോർട്ട് സമർപ്പിക്കുമെന്നും സർക്കാരില്‍നിന്ന് സാമ്പത്തിക സഹായം ഉറപ്പുവരുത്താനുള്ള നടപടികള്‍ സ്വീകരിക്കുമെന്നും തഹസില്
