തിരുവനന്തപുരം : പത്മജ പാർട്ടിയിൽ നിന്ന് പോയതെന്തിനാണെന്ന് പോലും അറിയില്ലെന്ന് കോൺഗ്രസ് നേതാവ് അടൂർ പ്രകാശ്. അത്തരം ചർച്ചകൾ ഒന്നും നടന്നിട്ടില്ല. യോഗം ചേർന്നാൽ മാത്രമല്ലേ അതൃപ്തിയെ കുറിച്ച് അറിയാൻ സാധിക്കൂ. അത്തരം കാര്യങ്ങൾ പാർട്ടി കമ്മിറ്റി കൂടിയശേഷം തീരുമാനിക്കും. രാജ്മോഹൻ ഉണ്ണിത്താൻ മറുപടി അർഹിക്കുന്നില്ലെന്നും അടൂർ പ്രകാശ് കൂട്ടിച്ചേർത്തു.
ക്യാബിനറ്റിൽ താൻ അംഗമല്ലെന്നും ക്യാബിനറ്റിൽ എന്തു നടന്നു എന്ന് തനിക്കറിയില്ലെന്നും അടൂർ പ്രകാശ് വ്യക്തമാക്കി. എന്താണ് സംഭവിച്ചതെന്ന് മന്ത്രിമാരോട് ചോദിക്കണം. എഐസിസിക്ക് കത്ത് നൽകി എന്ന് പറയുന്ന കാര്യം പുറത്തു വരട്ടെ. മുഖ്യമന്ത്രി ആലോചിച്ചു തീരുമാനമെടുക്കട്ടെ. താൻ വിയോജിപ്പ് പറഞ്ഞിന് ചില കാരണങ്ങളുണ്ടെന്നും അദ്ദേഹം പറഞ്ഞു.
ഒരു ക്യാബിനറ്റ് തീരുമാനവും താൻ അറിഞ്ഞില്ല. പത്രത്തിലൂടെയാണ് വിവരം അറിഞ്ഞത്. താൻ പറഞ്ഞത് തെറ്റാണോ ശരിയാണോ എന്നത് ജനങ്ങൾ തീരുമാനിക്കട്ടെയെന്നും അടൂർ പ്രകാശ് പറഞ്ഞു.






