കൊച്ചി: അമിത വേഗതയില്‍ എത്തിയ സ്വകാര്യ ബസ് ഇടിച്ച്‌ കാല്‍നടയാത്രക്കാരിയായ യുവതിക്ക് ദാരുണാന്ത്യം.
തൃശൂർ സ്വദേശിയായ അക്ഷരയ്ക്കാണ് ജീവൻ നഷ്ടമായത്.
കാക്കനാട് - ഇടച്ചിറ റോഡില്‍ ഐഎംജി ജംഗ്ഷനിലാണ് അപകടം ഉണ്ടായത്.
രാവിലെ എട്ടുമണിയോടെ ജിമ്മില്‍ നിന്ന് മടങ്ങുകയായിരുന്നു അക്ഷര.
ഇടുങ്ങിയ വഴിയിലൂടെ അമിത വേഗതയില്‍ എത്തിയ ബസ് യുവതിയെ ഇടിച്ചിട്ടതിനുശേഷം ശരീരത്തിലൂടെ കയറിയിറങ്ങി.
ഗുരുതരമായി പരിക്കേറ്റ യുവതിയെ കാക്കനാട് സ്വകാര്യ ആശുപത്രിയില്‍ എത്തിച്ചെങ്കിലും ഉച്ചയോടെ മരിച്ചു.
