മുണ്ടക്കയം: മുണ്ടക്കയം ചിറ്റടി–ഇടക്കുന്നം റോഡിലെ വട്ടക്കാവ് പാലക്കാതടത്ത് സ്വകാര്യ ബസ് നിയന്ത്രണംവിട്ട് റോഡരികിലെ തിട്ടയ്ക്ക് താഴേക്ക് മറിഞ്ഞു. അപകടസമയത്ത് ബസിൽ യാത്രക്കാരില്ലാതിരുന്നതിനാൽ വൻ ദുരന്തമാണ് ഒഴിവായത്.
സെൽഫ് സ്റ്റാർട്ട് തകരാറിലായതിനെ തുടർന്ന് ബസ് റിവേഴ്സ് ഗിയറിലിട്ട് സ്റ്റാർട്ട് ചെയ്യാൻ ശ്രമിക്കുന്നതിനിടെയാണ് അപകടമുണ്ടായത്. നിയന്ത്രണം നഷ്ടപ്പെട്ട ബസ് റോഡരികിലെ ചെറിയ തിട്ടയ്ക്ക് താഴേക്ക് മറിയുകയായിരുന്നു.
അപകടസമയത്ത് ഡ്രൈവർ മാത്രമാണ് ബസിലുണ്ടായിരുന്നത്. ഇയാൾ പരിക്കുകളില്ലാതെ രക്ഷപ്പെട്ടു.
