കുടിവെള്ളപൈപ്പിൽ നിന്നും ശുദ്ധജലം പാഴാകുന്നു: കുമരകം എട്ടങ്ങാടി, കിഴക്കത്തറ ഭാഗത്തെ ജനങ്ങൾ ബുദ്ധിമുട്ടിൽ

കുമരകം :വാർഡ് 11 ലെ എട്ടങ്ങാടി, കിഴക്കത്തറ ഭാഗത്തേക്ക് പോകുന്ന കുടിവെള്ള പൈപ്പിൽനിന്നും ശുദ്ധജലം പാഴാകുന്നു. മാരാച്ചേരി പാലത്തിലൂടെ പോകുന്ന പ്രധാന കുടിവെള്ളപൈപ്പിലെ എയർ ഹോളിൽ നിന്നുമാണ് കൂടുതൽ അളവിൽ വെള്ളം പുറത്തേക്കൊഴുകി പാഴാകുന്നത്. വെള്ളം പമ്പ് ചെയ്യുമ്പോൾ പ്രഷർ കുറഞ്ഞ് വീടുകളിലെ വാട്ടർ ടാങ്കുകളിൽ കയറില്ല എന്ന് പ്രദേശവാസികൾ പരാതിപ്പെടുന്ന സാഹചര്യത്തിൽ ഇത്തരത്തിൽ വെള്ളം കൂടുതൽ പോകുമ്പോൾ വീണ്ടും പ്രഷർ കുറഞ്ഞ് വീടുകളിലെത്താൻ കൂടുതൽ ബുദ്ധിമുട്ട് നേരിടുമോ എന്ന ആശങ്കയാണ് പ്രദേശവാസികൾക്ക്.  ബന്ധപ്പെട്ട അധികാരികൾ ഇടപെട്ട് പാലത്തിലെ എയർ ഹോൾ സംവിധാനം ആവശ്യമായ അളവിൽ പുനസ്ഥാപിച്ച് പ്രശ്നത്തിന് പരിഹാരം കാണണമെന്നാണ് നാട്ടുകാരുടെ ആവശ്യം.