കോട്ടയം : അനശ്വര കവി വയലാര്‍ രാമവര്‍മ്മയുടെ ഉജ്ജ്വലസ്മരണയ്ക്ക് ആദരവ് നല്‍കുന്ന ചര്‍ച്ചാസമ്മേളനവും കാവ്യാഞ്ജലിയും ഗാനവിരുന്നും തത്സമയ പ്രശ്നോത്തരി മത്സരവും നവംബര്‍ 3ന് മൂന്നു മണിക്ക് നടക്കും. കോട്ടയത്ത് കെഎസ്ടിഎ ഹാളില്‍ വച്ചാണ് പരിപാടി നടക്കുക.
പിരാഘവന്‍ പഠനകേന്ദ്രവും പുരോഗമന കലാസാഹിത്യ സംഘം ഏരിയ കമ്മറ്റിയും വനിതാസാഹിതിയും ചേര്‍ന്നാണ് പരിപാടി ഒരുക്കുന്നത്. മഴവില്ല് ഫിലിം സൊസെെറ്റി സെക്രട്ടറി ഹേന ദേവദാസ് പരിപാടി ഉദ്ഘാടനം ചെയ്യും. പ്രശസ്ത ചലച്ചിത്ര നടന്‍ പിആര്‍ ഹരിലാല്‍ മുഖ്യഭാഷണം നടത്തും.
വനിതാസാഹിതി ജില്ലാ സെക്രട്ടറി പികെ ജലജാമണി മോഡറേറ്ററാകും. തത്സമയ വയലാര്‍ ചലച്ചിത്രഗാന പ്രശ്നോത്തരി രാജേഷ് കെ പുതുമന അവതരിപ്പിക്കും. ചടങ്ങില്‍ കവികളും ഗാനരചയിതാക്കളും കലാപ്രതിഭകളും പങ്കെടുക്കും. തുടര്‍ന്ന് സമ്മാനവിതരണം ഗാനഭൂഷണം വിഎസ് വാസന്തി നിര്‍വ്വഹിക്കും.
