കുമരകം : യുവാവിന്റെ മൂക്കിടിച്ചു തകർക്കുകയും കല്ലുപയോഗിച്ച് ആക്രമിച്ചു കൊലപ്പെടുത്താൻ ശ്രമിക്കുകയും ചെയ്ത കേസിൽ രണ്ടു പേരെ കുമരകം പോലീസ് പിടികൂടി. കോട്ടയം തിരുവാർപ്പ് സ്വദേശികളായ നിധിൻ ഗോപി, അനന്തു എന്നിവരാണ് അറസ്റ്റിലായത്.
ഇല്ലിക്കൽ സ്വദേശി അനു പി രാജിനെയാണ് പ്രതികൾ ആക്രമിച്ചു കൊലപ്പെടുത്താൻ ശ്രമിച്ചത്. മാസങ്ങൾക്ക് മുൻപ് ഇവരുടെ കുടുംബ പ്രശ്നം പറഞ്ഞു തീർക്കാൻ എത്തിയപ്പോൾ അനു ഇവരെ താക്കീത് ചെയ്തതിൻ്റെ വൈരാഗ്യത്തിലാണ് പ്രതികൾ അനുവിനെ ആക്രമിച്ചത്.
രാത്രിയിൽ ഒട്ടോയിൽ എത്തിയ സംഘം റോഡിലൂടെ നടന്നു പോയ അനുവിനെ ആക്രമിക്കുകയായിരുന്നു. കുമരകം സിഐ പ്രസാദ് എബ്രഹാം വർഗീസ്, എസ്ഐ പ്രവീൺ പ്രകാശ്, എഎസ്ഐമാരായ ജോസ്, ജോർജ് എന്നിവർ ചേർന്നാണ് പ്രതികളെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
