വൈക്കം: സോഡ ഗ്യാസും ഓക്സിജൻ സിലിണ്ടറും വിതരണം ചെയ്യുന്ന വ്യാപാര സ്ഥാപനത്തിൽ സോഡ ഗ്യാസ് സിലിണ്ടർ പൊട്ടിത്തെറിച്ച് സ്ഥാപനത്തിലെ ജീവനക്കാരിക്ക് പരിക്കേറ്റു.
സംഭവത്തെ തുടർന്ന് കടയിലുണ്ടായിരുന്ന കസേര, മറ്റ് ഉപകരണങ്ങൾ,ഭിത്തി എന്നിവയ്ക്കെല്ലാം കേടുപാടുകൾ സംഭവിച്ചു.
വൈക്കം പോളശേരി സ്വദേശി ലിപ(49)യ്ക്കാണ് പരിക്കേറ്റത്. ഇന്ന് ഉച്ചയ്ക്ക് 12 ഓടെയായിരുന്നു സംഭവം. ആ സമയം ലിപയ്ക്ക് പുറമെ സ്ഥാപന ഉടമയും മറ്റൊരു ജീവനക്കാരൻ സജിയുമുണ്ടായിരുന്നു. തലയ്ക്ക് മുറിവേറ്റ ലിപയെ വൈക്കം താലൂക്ക് ആശുപത്രിയിൽ പ്രഥമ ശുശ്രുഷയ്ക്ക് ശേഷം വിദഗ്ധ ചികിൽസയ്ക്കായി കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
വലിയ സ്ഫോടന ശബ്ദം കേട്ട് സമീപത്തെ കടക്കാർ ഓടിയെത്തി. കടയും പരിസരവും വെളുത്ത പുകയിൽ മൂടി. മറിഞ്ഞു വീണ സിലിണ്ടറുകൾക്കിടയിൽ വീണു കിടന്ന ലിപയെ കടയിലെ ജീവനക്കാരനായ സജിയും സമീപത്ത് കട നടക്കുന്ന മൂസക്കുട്ടിയും മറ്റും ചേർന്നാണ് ആശുപത്രിയിലെത്തിച്ചത്. പൊട്ടിത്തെറിയെ തുടർന്ന് കടയ്ക്കു ഉളിലുണ്ടായിരുന്ന കസേരപൊട്ടിച്ചിതറി, അലമാരയുടെ ചില്ലുകളും തകർന്നു. സമീപത്തെ ബേക്കറിയുടെ ഭിത്തിക്ക് വിള്ളൽ വീഴുകയും വാൾ ടൈലുകൾ തകരുകയും ചെയ്തു. ഫയർഫോഴ്‌സും പോലീസും സ്ഥലത്തെത്തി
