വൈക്കം: താലൂക്ക് ആശുപത്രി മോർച്ചറിയിലെ കാലപ്പഴക്കം മൂലം കേടുപാടുകള്‍ സംഭവിച്ച ഫ്രീസറുകള്‍ വൈക്കം നഗരസഭ ഇടപെട്ട് പ്രവർത്തനസജ്ജമാക്കി. ഇതോടെ ഏറെക്കാലമായുള്ള ദുരിതത്തിനാണ് പരിഹാരമാകുന്നത്.
ഗവ.താലൂക്ക് ആശുപത്രി മോർച്ചറിയില്‍ മൃതദേഹങ്ങള്‍ സൂക്ഷിക്കാൻ കഴിയാത്ത അവസ്ഥയായിരുന്നു. മൃതദേഹങ്ങള്‍ മെഡിക്കല്‍ കോളേജിലേക്കും മറ്റ് സ്ഥലങ്ങളിലേക്കും മാറ്റേണ്ട സാഹചര്യമായിരുന്നു. ഇതോടെ പരാതിയുമേറി. തുടർന്നാണ് വൈക്കം നഗരസഭ വിഷയത്തില്‍ ഇടപെട്ടത്.
പല ദിവസങ്ങളിലായാണ് വിദഗ്ദ്ധരായ മെക്കാനിക്കുകള്‍ ആശുപത്രിലെത്തി തകരാറുകള്‍ പരിഹരിച്ചത്. ആധുനിക സൗകര്യത്തോടുകൂടിയുള്ള ഫ്രീസറുകളാണ് സ്ഥാപിച്ചിരിക്കുന്നതെന്ന് നഗരസഭാ ചെയ്ർമാൻ അബ്ദുള്‍ സലാം റാവുത്തർ പറഞ്ഞു.
