കോട്ടയം: എൻ.സി.പി മുൻ സംസ്ഥാന പ്രസിഡന്റും നർമ്മ പ്രഭാഷണങ്ങളിലൂടെ രാഷ്ട്രീയ കേരളത്തെ ചിരിപ്പിക്കുകയും ചിന്തിപ്പിക്കുകയും ചെയ്ത ഉഴവൂർ വിജയന്റെ 9-ാം ചരമവാർഷികമായ ജൂലൈ 23-ന് എൻ.സി.പി (സെക്കുലർ) ജില്ലാ കമ്മിറ്റിയുടെ നേതൃത്വത്തിൽ ഉഴവൂർ വിജയൻ അനുസ്മരണവും പുരസ്കാര സമർപ്പണവും നടത്തും.
രാവിലെ 9 മണിക്ക് ഉഴവൂർ കുറിച്ചിത്താനത്തെ ഉഴവൂർ വിജയൻ്റെ വസതിയിലെ സ്മൃതിമണ്ഡപത്തിൽ പുഷ്പാർച്ചന നടക്കും. തുടർന്ന് 10.30-ന് വസതിയിൽ നടക്കുന്ന അനുസ്മരണ സമ്മേളനം നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്യും. എൻ.സി.പി (സെക്കുലർ) ജില്ലാ പ്രസിഡൻ്റ് ബെന്നി മൈലാടൂർ അധ്യക്ഷത വഹിക്കും.
ഉഴവൂർ വിജയൻ സ്മാരക പുരസ്കാരം സി.പി.ഐ സംസ്ഥാന സെക്രട്ടറി ബിനോയ് വിശ്വത്തിന് സമർപ്പിക്കും. മുൻമന്ത്രി എ.കെ.ശശീന്ദ്രൻ പുരസ്കാര സമർപ്പണം നിർവ്വഹിക്കും. ജലവിഭവ വകുപ്പുമന്ത്രി മോൻസ് ജോസഫ്, മുൻമന്ത്രിയും സി.പി.ഐ(എം) സംസ്ഥാന സെക്രട്ടേറിയറ്റംഗവുമായ വി.എൻ. വാസവൻ, മുൻമന്ത്രിയും ഐ.എസ്.ജെ.ഡി സംസ്ഥാന പ്രസിഡൻറുമായ മാത്യു ടി. തോമസ്,
എൻ.സി.പി (സെക്കുലർ) സംസ്ഥാന പ്രസിഡൻ്റ് തോമസ് കെ. തോമസ്, മുൻമന്ത്രിയും കോൺഗ്രസ് (എസ്) സംസ്ഥാന പ്രസിഡൻ്റൂമായ രാമചന്ദ്രൻ കടന്നപ്പള്ളി, കേരള കോൺഗ്രസ് (എം) സംസ്ഥാന ജനറൽ സെക്രട്ടറി സ്റ്റീഫൻ ജോർജ്ജ്, സി.പി.ഐ ജില്ലാ സെക്രട്ടറി അഡ്വ. സന്തോഷ് കുമാർ, ആർ.ജെ.ഡി ജില്ലാ പ്രസിഡൻ്റ് സണ്ണി തോമസ്, ജനാധിപത്യ
കേരള കോൺഗ്രസ് ജനറൽ സെക്രട്ടറി അഡ്വ. ഫ്രാൻസിസ് തോമസ്, എൻ.സി.പി (സെക്കുലർ) സംസ്ഥാന വർക്കിംഗ് പ്രസിഡന്റ് പി.കെ. രാജൻ മാസ്റ്റർ, സംസ്ഥാന ജനറൽ സെക്രട്ടറി സുഭാഷ് പുഞ്ചക്കോട്ടിൽ, സംസ്ഥാന ട്രഷറർ പി.ജെ.കുഞ്ഞുമോൻ, സംസ്ഥാന സെക്രട്ടറി .ടി.വി. ബേബി, മരങ്ങാട്ടുപിള്ളി ഗ്രാമപഞ്ചായത്ത് പ്രസിഡൻ്റ് ഗ്രേസിക്കുട്ടി എബ്രഹാം, എൻ.എൽ.സി സംസ്ഥാന പ്രസിഡന്റ് കെ. ചന്ദ്രശേഖരൻ, ഉഴവൂർ വിജയന്റെ സഹധർമ്മിണി ചന്ദ്രമണി ടീച്ചർ തുടങ്ങിയവർ സംസാരിക്കും.
എൻ.എൽ.സി സംസ്ഥാന കമ്മിറ്റിയുടെ വിദ്യാഭ്യാസ പുരസ്കാര വിതരണവും ചടങ്ങിൽ നടക്കും.
വാർത്താ സമ്മേളനത്തിൽ എൻസിപി (സെക്കുലർ) സംസ്ഥാന ജനറൽ സെക്രട്ടറി സുഭാഷ് പുഞ്ചക്കോട്ടിൽ, സംസ്ഥാന സെക്രട്ടറി ടി.വി. ബേബി, ജില്ലാ പ്രസിഡൻ്റ് ബെന്നി മൈലാടൂർ
എന്നിവർ പരിപാടികൾ വിശദീകരിച്ചു.
