തിരുവനന്തപുരം: നഗരത്തെ ഞെട്ടിച്ച സ്വ‍‌ർണക്കൊള്ളയില്‍ 6 പ്രതികളെയും പിടികൂടി പൊലീസ്.
കുറച്ച്‌ സ്വർണവും പ്രതികളില്‍ നിന്ന് പിടിച്ചെടുത്തു. പ്രതികളില്‍ ഒരാള്‍ ഓടി രക്ഷപ്പെട്ടു. 4 പേർ മോഷണത്തില്‍ നേരിട്ട് പങ്കെടുത്തവരാണ്. 2 പേർ ഗൂഡാലോചനയില്‍ ആണ് പങ്കെടുത്തത്.
വയനാട് പടിഞ്ഞാറത്തറയില്‍ നിന്നാണ് പിടികൂടിയത്. കർണാടകയില്‍ കടന്ന പ്രതികളെ പൊലീസ് പിന്തുടർന്ന് വയനാട്ടില്‍ കയറ്റുകയായിരുന്നു.
കഴിഞ്ഞ ദിവസം ബൈക്കിലെത്തിയ സംഘമാണ് ചാലയിലെ വൈഷ്ണവി ജ്വല്ലറി ഉടമയില്‍ നിന്ന് സ്വർണം കവര്‍ന്നത്. രണ്ടു കിലോ സ്വര്‍ണമാണ് കവര്‍ന്നതെന്ന് ഉടമകള്‍ പൊലീസിനോട് പറഞ്ഞു.
എന്നാല്‍ 15 പവനെന്നാണ് മാധ്യമങ്ങളോട് പറഞ്ഞത്. രാത്രി പത്തു മണിക്ക് ശേഷം ജ്വല്ലറി പൂട്ടി സ്വർണമടങ്ങിയ ബാഗുമായി നന്ദകുമാർ പിന്‍വാതിലിലൂടെയാണ് ഇറങ്ങിയത്.
ബാഗ് ശരീരത്തില്‍ തൂക്കിയിട്ട് സ്കൂട്ടറില്‍ വീട്ടിലേയ്ക്ക് തിരിച്ചു. നന്ദകുമാര്‍ പിന്തുടര്‍ന്നെങ്കിലും മോഷ്ടാക്കളെ കണ്ടെത്താനായില്ല. പഴയ സ്വര്‍ണം വാങ്ങി പണി ചെയ്ത് വില്‍ക്കുന്ന മഹരാഷ്ട്ര സ്വദേശി നന്ദകുമാര്‍ ചാലയില്‍ ജ്വല്ലറി തുടങ്ങിയിട്ട് 10 വര്‍ഷത്തിലധികമായി.
