മുംബൈ: ഈ സീസണിലെ ദുലീപ് ട്രോഫിക്കുള്ള ഈസ്റ്റ് സോണ് ടീമിന്റെ വൈസ് ക്യാപ്റ്റനായി കൗമാര താരം വൈഭവ് സൂര്യവംശിയെ തെരഞ്ഞെടുത്തു.
ഇന്ത്യന് വിക്കറ്റ് കീപ്പര്-ബാറ്റസ്മാന് ഇഷാന് കിഷന് നയിക്കുന്ന ടീമിലാണ് പ്രധാന ചുമതല താരത്തിന് ലഭിച്ചിരിക്കുന്നത്.
പരിചയസമ്പന്നനായ പേസ് ബൗളര് മുഹമ്മദ് ഷമിയും ഈസ്റ്റ് സോണ് സ്ക്വാഡില് ഇടംനേടിയിട്ടുണ്ട്.
യുവതാരത്തിന്റെ സമീപകാല പ്രകടനങ്ങളിലുള്ള സെലക്ടര്മാരുടെ വിശ്വാസമാണ് നിയമനത്തിലൂടെ വ്യക്തമാകുന്നത്.
ആഭ്യന്തര ക്രിക്കറ്റിലും അന്താരാഷ്ട്ര തലത്തിലും മികച്ച പ്രകടനമാണ് ബിഹാര് താരമായ സൂര്യവംശി കാഴ്ചവെക്കുന്നത്.
കഴിഞ്ഞ മാസം മാഞ്ചെസ്റ്ററില് ഇംഗ്ലണ്ടിനെതിരെയുള്ള ടി20 മത്സരത്തിലൂടെയാണ് ഇടംകൈയന് ഓപ്പണറായ സൂര്യവംശി ഇന്ത്യന് സീനിയര് ടീമില് അരങ്ങേറ്റം കുറിച്ചത്.
തുടര്ന്ന് ഹരാരെയില് സിംബാബ്വെയ്ക്കെതിരെ നടന്ന മത്സരത്തില് 49 പന്തില് 81 റണ്സ് നേടി താരം തിളങ്ങിയിരുന്നു.
ഐസിസി ടി20 റാങ്കിംഗില് 230 സ്ഥാനങ്ങള് ഉയര്ന്ന് വലിയ മുന്നേറ്റം നടത്തിയ അതേ ദിവസമാണ് ദുലീപ് ട്രോഫി വൈസ് ക്യാപ്റ്റനായി താരത്തിന്റെ നിയമനം വന്നിരിക്കുന്നത്.
