കോട്ടയം: ഓണക്കാലത്ത് അവശ്യസാധനങ്ങൾ മിതമായ നിരക്കിൽ ലഭ്യമാക്കുന്നതിനായി സപ്ലൈകോ ആരംഭിക്കുന്ന ഓണം ഫെയറിന്റെ ജില്ലാ തല ഉദ്ഘാടനം ഇന്ന് (ഓഗസ്റ്റ് 13) രാവിലെ 10.30ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ നിർവഹിക്കും.
ചടങ്ങിൽ മന്ത്രി മോൻസ് ജോസഫ് മുഖ്യാതിഥിയാകും. കോട്ടയം പൊലീസ് സ്റ്റേഷൻ മൈതാനത്ത് നടക്കുന്ന ചടങ്ങിൽ നാട്ടകം സുരേഷ് എംഎൽഎ അധ്യക്ഷത വഹിക്കും.
ആദ്യ വിൽപന കെ. ഫ്രാൻസിസ് ജോർജ് എംപി നിർവഹിക്കും. ജോസ് കെ. മാണി എംപി മുഖ്യപ്രഭാഷണം നിർവഹിക്കും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് സമൃദ്ധി കിറ്റ് വിതരണം നിർവഹിക്കും.
കോട്ടയം നഗരസഭ അധ്യക്ഷൻ എം.പി.സന്തോഷ്കുമാർ, സ്ഥിരം സമിതി അധ്യക്ഷൻ എസ്.ഗോപകുമാർ, സപ്ലൈകോ മേഖലാ മാനേജർ എം.ജയപ്രകാശ്, ജില്ലാ സപ്ലൈ ഓഫിസർ വി.സുരേഷ്, രാഷ്ട്രീയ പാർട്ടി പ്രതിനിധികളായ യൂജിൻ തോമസ്, ടി.ആർ.രഘുനാഥ്, അസീസ് ബഡായിൽ, ടോമി വേദഗിരി, അഡ്വ. ജയ്സൺ ജോസഫ്, അഡ്വ. വി.കെ. സന്തോഷ് കുമാർ, ടി.സി.അരുൺ, ജെ.എസ്.രതീഷ്, പ്രഫ. ലോപ്പസ് മാത്യു, ബെന്നി മൈലാടൂർ എന്നിവർ പ്രസംഗിക്കും.
ഓണം ഫെയറിൽ പ്രമുഖ കമ്പനികളുടെ ബ്രാൻഡഡ് ഉൽപന്നങ്ങൾ, ഗൃഹോപകരണങ്ങൾ, എന്നിവ ആകർഷകമായ ഓഫറുകളിലും വിലക്കിഴിവിലും ലഭിക്കും.
