കോട്ടയം: സപ്ലൈകോ സംഘടിപ്പിക്കുന്ന ജില്ലാ ഓണം ഫെയറിന്റെ ഉദ്ഘാടന ചടങ്ങിൽ കോട്ടയം നഗരപിതാവിന് ക്ഷണമില്ല.
ഇന്ന് രാവിലെ പഴയ പോലിസ് സ്റ്റേഷൻ മൈതാനത്തായിരുന്നു ഓണം ഫെയറിൻ്റെ ഉദ്ഘാടനം . വിവിധ രാഷ്ട്രീയ പാർട്ടികളുടെ പ്രാദേശിക നേതാക്കളെ വരെ വിളിച്ചിരുന്നുവെങ്കിലും നഗരസഭാ ചെയർമാൻ എം.പി. സന്തോഷ് കുമാറിനെ മാത്രം ഒഴിവാക്കി. ഇക്കാര്യം ശ്രദ്ധയിൽ പെട്ട നിയമസഭാ സ്പീക്കർ
തിരുവഞ്ചൂർ രാധാകൃഷ്ണൻ ഉദ്യോഗസ്ഥരോട് ക്ഷുഭിതനായി. അദ്ദേഹം വിശദീകരണം ചോദിച്ചു. എന്തുകൊണ്ടാണ് ഈ ചടങ്ങിലേക്ക് ചെയമാനെ വിളിക്കാതിരുന്നതെന്ന് സ്പീക്കർ ചോദിച്ചു. അപ്പോൾ വിളിച്ചതാണന്ന് ഒരുദ്യോഗസ്ഥൻ മറുപടി പറഞ്ഞു.
എന്നാൽ വിളിച്ചില്ലെന്നുള്ള വിവരം അറിഞ്ഞിട്ടാണ് ഞാൻ വന്നതെന്ന് പറഞ്ഞ് സ്പീക്കർ അയാളെ നിർത്തിപ്പൊരിച്ചു. വിളിച്ചില്ലന്ന് ചെയർമാൻ തന്നോട് പറഞ്ഞതായി തിരുവഞ്ചൂർ തന്നെ പറഞ്ഞു.
ഇതോടെ
ഒന്നും മിണ്ടാനാവാതെ ഉദ്യോഗസ്ഥർ കുടുങ്ങി. നാട്ടിലുള്ള സകല തുക്കട പാർട്ടിക്കാരെയും വിളിച്ചിട്ട് നഗരപിതാവായ മുനിസിപ്പൽ ചെയർമാനെ മാത്രം ഒഴിവാക്കിയത് എന്തിന്? ഇതാണ് ഇപ്പോൾ ഉയരുന്ന ചോദ്യം. ഏതാനും മന്ത്രിമാരെയും എംപിമാരെയും ചടങ്ങിലേക്ക് വിളിച്ചിരുന്നുവെങ്കിലും അവരാരും വന്നില്ല. സ്പീക്കറും നാട്ടകം സുരേഷ് എം എൽ എ യും മാത്രമാണ് ചടങ്ങിൽ പങ്കെടുത്തത്.
