എത്ര ഉറങ്ങിയാലും രാവിലെ ഉണരുമ്പോള്‍ അനുഭവപ്പെടുന്ന അലസതയ്ക്കും ക്ഷീണത്തിനും പിന്നില്‍ 'സ്ലീപ് ഇന്‍ര്‍ഷ്യ' (Sleep Inertia) എന്ന അവസ്ഥയാവാം കാരണം.
ഉറക്കത്തില്‍ നിന്ന് ഉണര്‍ന്നതിന് ശേഷം തലച്ചോര്‍ പൂര്‍ണ്ണമായ ജാഗ്രതയിലേക്ക് ഉണര്‍ന്നു വരാന്‍ എടുക്കുന്ന സമയത്തെയാണ് ഇത്തരത്തില്‍ വിശേഷിപ്പിക്കുന്നത്.
ഈ സമയത്ത് ശ്രദ്ധ കേന്ദ്രീകരിക്കാന്‍ ബുദ്ധിമുട്ട് നേരിടുക, വീണ്ടും ഉറങ്ങാന്‍ തോന്നുക തുടങ്ങിയ പ്രശ്‌നങ്ങള്‍ ഉണ്ടാകാറുണ്ട്.
ആഴത്തിലുള്ള ഉറക്കത്തില്‍ നിന്ന് പെട്ടെന്ന് ഉണരുക, കൃത്യമല്ലാത്ത ഉറക്കശീലങ്ങള്‍, ആവശ്യത്തിന് ഉറക്കം ലഭിക്കാതിരിക്കുക തുടങ്ങിയവയാണ് ഇതിന്റെ പ്രധാന കാരണങ്ങള്‍.
സാധാരണയായി ഏതാനും മിനിറ്റുകള്‍കൊണ്ട് ഈ അവസ്ഥ മാറുമെങ്കിലും ചിലരില്‍ ഇത് അരമണിക്കൂറിലധികം നീണ്ടുനില്‍ക്കാറുണ്ട്.
ഈ പ്രശ്‌നം ഒഴിവാക്കാന്‍ ദിവസവും കൃത്യസമയത്ത് ഉറങ്ങാന്‍ കിടക്കുകയും എഴുന്നേല്‍ക്കുകയും ചെയ്യുക.
രാവിലെ ഉണര്‍ന്നയുടന്‍ സൂര്യപ്രകാശം കൊള്ളുന്നതും അല്‍പനേരം ശരീരം ചലിപ്പിക്കുന്നതും വെള്ളം കുടിക്കുന്നതും സ്ലീപ് ഇന്‍ര്‍ഷ്യയെ പ്രതിരോധിക്കാന്‍ സഹായിക്കും.
എന്നാല്‍ മതിയായ ഉറക്കം ലഭിച്ചിട്ടും അമിതമായ മയക്കം അനുഭവപ്പെടുകയാണെങ്കില്‍ ഒരു ഡോക്ടറുടെ സേവനം തേടേണ്ടതാണ്.
