കോട്ടയം: ഗാന്ധിജി സ്റ്റഡി സെന്ററിന്റെ ആഭിമുഖ്യത്തിൽ “350 കി.മീ വേഗതയുള്ള ഹൈ സ്പീഡ് ബുള്ളറ്റ് ട്രെയിൻ” എന്ന വിഷയത്തിൽ സിമ്പോസിയം സംഘടിപ്പിക്കും. സെപ്റ്റംബർ 18ന് വൈകിട്ട് 5.30ന് കോട്ടയം സീസർ പാലസ് ഹോട്ടലിലാണ് പരിപാടി.
മുൻ മന്ത്രി പി.ജെ. ജോസഫ് സിമ്പോസിയം ഉദ്ഘാടനം ചെയ്യും. സന്തോഷ് ജോർജ് കുളങ്ങര, റോയ് പോൾ ഐഎഎസ് എന്നിവർ മുഖ്യപ്രഭാഷണം നടത്തും. എഞ്ചിനീയർ ചാക്കോച്ചൻ മണലയിൽ സാങ്കേതിക ക്ലാസ് നയിക്കും.
ഹൈ സ്പീഡ് ബുള്ളറ്റ് ട്രെയിനുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്യുന്ന സിമ്പോസിയത്തിൽ പൊതുജനങ്ങൾക്കും താൽപര്യമുള്ളവർക്കും പങ്കെടുക്കാം. വിവരദായകമായ ചർച്ചയിൽ പങ്കെടുക്കുകയും വിലയേറിയ അഭിപ്രായങ്ങൾ പങ്കുവയ്ക്കുകയും ചെയ്യണമെന്ന് സംഘാടകർ അറിയിച്ചു.
