നഗോയ: ഏഷ്യൻ ഗെയിംസ് ഷോട്ട്പുട്ടില് തജീന്ദർപാല് സിംഗിന് വെള്ളി. 20.64 മീറ്റർ ദൂരത്തേയ്ക്ക് എറിഞ്ഞാണ് തജീന്ദർപാല് സിംഗ് വെള്ളി നേടിയത്. അഞ്ചാം ശ്രമത്തിലാണ് തജീന്ദർപാല് സിംഗിന് 20.64 മീറ്റർ ദൂരത്തേയ്ക്ക് എറിയാനായത്.
20.81 മീറ്റർ ദൂരത്തേയ്ക്ക് എറിഞ്ഞ ഇറാന്റെ മുഹമ്മദ്രെസ തയെബിസെയ്ക്ക് ആണ് സ്വർണം. സൗദി അറേബ്യയുടെ മുഹമ്മദ് തോലു വെങ്കലം നേടി.
കഴിഞ്ഞ രണ്ട് ഏഷ്യൻ ഗെയിംസിലും സ്വർണം നേടിയ തജീന്ദർപാല് സിംഗിന് ഇത്തവണ നിസാര വ്യത്യാസത്തിലാണ് ഒന്നാം സ്ഥാനം നഷ്ടപ്പെട്ടത്. ഇതോടെ തുടർച്ചയായ മൂന്ന് ഏഷ്യൻ ഗെയിംസുകളിലും ഷോട്ട്പുട്ടില് മെഡല് നേടുന്ന താരമായി തജീന്ദർപാല് സിംഗ്.
ഇതോടെ ഇന്ത്യയുടെ ആകെ മെഡല് നേട്ടം 28 ആയി. നാല് സ്വർണവും 11 വെള്ളിയും 13 വെങ്കലവും ആണ് ഇതുവരെ ഇന്ത്യ നേടിയത്. നിലവില് ഗെയിംസില് 11-ാം സ്ഥാനത്താണ് ഇന്ത്യ.
