തിരുവനന്തപുരം: സംഘർഷം നിലനില്‍ക്കുന്ന ഗള്‍ഫ് മേഖലയിലെ പ്രവാസി മലയാളികള്‍ക്കായി മുഖ്യമന്ത്രി വി.ഡി സതീശന്‍റെ നിര്‍ദ്ദേശപ്രകാരം കേരള ഹൗസില്‍ പ്രത്യേക കണ്‍ട്രോള്‍ റൂം തുറന്നു.
24 മണിക്കും പ്രവർത്തിക്കുന്ന കണ്‍ട്രോള്‍ റൂമിലേക്ക് സഹായത്തിനായി 011 23747079, 9310443880 എന്നീ നമ്പരുകളില്‍ ബന്ധപ്പെടാം.
കേരള ഹൗസിലെ നോഡല്‍ ഓഫീസറായി നോർക്ക ഡെവലപ്മെന്‍റ് ഓഫീസർ ജെ. ഷാജിമോനെയും വിദേശകാര്യ മന്ത്രാലയവുമായി ഏകോപനം നടത്തുന്നതിനുള്ള നോഡല്‍ ഓഫീസറായി അഡീഷണല്‍ റസിഡന്‍റ് കമ്മീഷണറുടെ ചാർജ്ജുള്ള ലെയ്സണ്‍ ഓഫീസർ രാഹുല്‍ കെ ജയ്‌സ്വാറിനെയും ചുമതലപ്പെടുത്തിയിട്ടുണ്ട്.
റിയാദിലെ ഇന്ത്യൻ എംബസി, ജിദ്ദയിലെ ഇന്ത്യൻ കോൺസുലേറ്റ് ജനറൽ എന്നിവയുമായി നിരന്തരം ഏകോപിപ്പിച്ചാണ് കേരള ഹൗസിലെ കൺട്രോൾ റൂം പ്രവർത്തിക്കുന്നത്.
