തിരുവനന്തപുരം: കാര്യവട്ടം, ഗ്രീന്‍ഫീല്‍ഡ് സ്റ്റേഡിയത്തില്‍ നടക്കുന്ന
രഞ്ജി ട്രോഫി ക്രിക്കറ്റില്‍ ഒഡിഷക്കെതിരെ കേരളത്തിന് കൂറ്റൻ ഒന്നാം ഇന്നിംഗ്സ് ലീഡ് ലക്ഷ്യമിട്ട് കേരളം.
കേരളത്തിന്‍റെ ഒന്നാം ഇന്നിംഗ്സ് സ്കോറായ 404 റണ്‍സിന് മറുപടിയായി
മൂന്നാം ദിനം ആദ്യ സെഷൻ അവസാനിക്കുമ്പോള്‍ ഒഡിഷ ഒമ്പത് വിക്കറ്റ് നഷ്ടത്തില്‍ 225 റണ്‍സെന്ന നിലയിലാണ്.
37 റണ്‍സുമായി ലളിത് യാദവും ഒരു റണ്ണുമായി ബഡായ് ബിസ്വാളും ക്രീസില്‍.
ഒരു വിക്കറ്റ് മാത്രം ശേഷിക്കെ കേരളത്തിന്‍റെ ഒന്നാം ഇന്നിംഗ്സ് സ്കോറിനൊപ്പമെത്താൻ ഒഡിഷക്ക് ഇനിയും 179 റണ്‍സ് കൂടി വേണം.
50 റണ്‍സെടുത്ത ക്യാപ്റ്റൻ സൗരഭ് സേനാപതിയും 34 റണ്‍സെടുത്ത രാജേഷ് ധുപറും ഒഡിഷക്കായി തിളങ്ങി.
കേരളത്തിനായി വൈശാഖ് ചന്ദ്രന് 38 റണ്‍സ് മാത്രം വഴങ്ങി നാലു വിക്കറ്റെടുത്തു.
